(॥పల్లవి॥)
అడుకులు చక్కిలాలు ఆనవాలు నురుగులు
వడపప్పు మొదలుగా వాముల కొలఁదులు
(॥అడు॥)
దేవకి కొడుకుఁగన్న దినమిది శ్రీజయంతి
భావించ మన కన్నులపండుగులాయ
దేవునిఁ బూజించితిమి తేరో నైవేద్యాలు
కైవసమై కృష్ణునికి గంపల కొలఁదులు
(॥అడు॥)
వసుదేవుఁ డెత్తెను శ్రావణబహుళాష్టమిని
పసగాఁ దొట్లే నూఁచి పాడఁగలిగె
సిసువితనికి మొక్కి చేసేము జాగరాలు
కొసరరో వరములు కోట్ల కొలఁదులు
(॥అడు॥)
బలభద్రుతమ్ముఁ డాయ పతి యలమేల్మంగకు
నెలమితో మనకెల్ల నేలికాయ
తలఁచి శ్రీవేంకటాద్రిఁ దానే యవతారమందె
అల సంతోషమందరో అబ్బినకొలఁదులు
(||pallavi||)
aḍugulu sakkilālu ānavālu nurugulu
vaḍabappu mŏdalugā vāmula kŏlam̐dulu
(||aḍu||)
devagi kŏḍugum̐ganna dinamidi śhrījayaṁti
bhāviṁcha mana kannulabaṁḍugulāya
devunim̐ būjiṁchidimi tero naivedyālu
kaivasamai kṛṣhṇunigi gaṁpala kŏlam̐dulu
(||aḍu||)
vasudevum̐ ḍĕttĕnu śhrāvaṇabahuḽāṣhṭamini
pasagām̐ dŏṭle nūm̐si pāḍam̐galigĕ
sisuvidanigi mŏkki sesemu jāgarālu
kŏsararo varamulu koṭla kŏlam̐dulu
(||aḍu||)
balabhadrudammum̐ ḍāya padi yalamelmaṁgagu
nĕlamido managĕlla neligāya
talam̐si śhrīveṁkaḍādrim̐ dāne yavadāramaṁdĕ
ala saṁtoṣhamaṁdaro abbinagŏlam̐dulu