(॥పల్లవి॥)
అడుగరే విభునివెయైతెఁ గనక
విడువక మాయింటికి విచ్చేయు మనవే
(॥అడు॥)
పెలుచుమాటలలోని ప్రియములు
యెలమి నెవ్వరికైనా యితవవునా
కలదింతె మావొళ్ళి కపురులు
పలుమారు తనకేవి బాఁతియయ్యీనా
(॥అడు॥)
బిగువురాజసముల పిలుపులు
జగముల దొరలకు చవిపుట్టీనా
తగు ధన మిదియె దాఁపురమూ
అగపడె యిదినేఁడు అనువయ్యీనా
(॥అడు॥)
బింకపురతులలోని పెనఁగులు
మంకుచందాలవారికి మర్మమంటీనా
పొంకాన నన్నుఁ గూడె శ్రీవెంకటేశుఁడు
లంకెలాయ తనకిది లావయ్యీనా
(||pallavi||)
aḍugare vibhunivĕyaidĕm̐ ganaga
viḍuvaga māyiṁṭigi vichcheyu manave
(||aḍu||)
pĕlusumāḍalaloni priyamulu
yĕlami nĕvvarigainā yidavavunā
kaladiṁtĕ māvŏḽḽi kaburulu
palumāru tanagevi bām̐tiyayyīnā
(||aḍu||)
biguvurājasamula pilubulu
jagamula dŏralagu savibuṭṭīnā
tagu dhana midiyĕ dām̐puramū
agabaḍĕ yidinem̐ḍu anuvayyīnā
(||aḍu||)
biṁkaburadulaloni pĕnam̐gulu
maṁkusaṁdālavārigi marmamaṁṭīnā
pŏṁkāna nannum̐ gūḍĕ śhrīvĕṁkaḍeśhum̐ḍu
laṁkĕlāya tanagidi lāvayyīnā