(॥పల్లవి॥)
అడుగరే చెలులాల అంతేసి నేనెరఁగ
బడివాయఁ డాసలకో పంతాలకునో
(॥అడు॥)
నగవొక్కటేకాని ననిచి రెంటికి వచ్చు
జగడానకో లోలో సరసానకో
తగినట్టి బలుదొర తానేల మొక్కీనే
యెగసక్యాలకో మరి యింపులకునో
(॥అడు॥)
పిలుపొకటేకాని పెనఁగ రెంటికి వచ్చు
వలపులకో వట్టి వారకానకో
వెలలేని నేరుపరి వేఁడుకొననింత యాలే
తలఁపు దెలుసుకోనో దంటతనమో
(॥అడు॥)
కూడినదొక్కటే కాని గురుతు రెంటికి వచ్చు
వేడుకలకో రతివేసాలకో
యీడనే శ్రీవేంకటేశుఁ డిన్నిటా నన్నునేలె
వాడికలకో నిండువహి కెక్కనో
(||pallavi||)
aḍugare sĕlulāla aṁtesi nenĕram̐ga
baḍivāyam̐ ḍāsalago paṁtālaguno
(||aḍu||)
nagavŏkkaḍegāni nanisi rĕṁṭigi vachchu
jagaḍānago lolo sarasānago
taginaṭṭi baludŏra tānela mŏkkīne
yĕgasakyālago mari yiṁpulaguno
(||aḍu||)
pilubŏgaḍegāni pĕnam̐ga rĕṁṭigi vachchu
valabulago vaṭṭi vāragānago
vĕlaleni nerubari vem̐ḍugŏnaniṁta yāle
talam̐pu dĕlusugono daṁṭadanamo
(||aḍu||)
kūḍinadŏkkaḍe kāni gurudu rĕṁṭigi vachchu
veḍugalago radivesālago
yīḍane śhrīveṁkaḍeśhum̐ ḍinniḍā nannunelĕ
vāḍigalago niṁḍuvahi kĕkkano