(॥పల్లవి॥)
అటుగాన నీచేఁత లమృతములె నీకు
యెటువలెనైనా మీకిద్దరికిఁ దగును
(॥అటు॥)
మొక్కలాన నడచినా మురిపెములై తోఁచు
చక్కఁదనములు గల జలజాక్షులు
కక్కసించి మాటాడినా కామమంత్రమై తోఁచు
వెక్కసపు జవ్వనాన విఱవీఁగేవారలు
(॥అటు॥)
అలవోకగా నవ్విన ఆయములు గరఁగను
వలపించ నేరిచిన వనితలు
తలకొని జంకించినా తరితీపులై యుండు
నిలిచి జంటవాయని నెరజాణలు
(॥అటు॥)
వొడివట్టి పెనఁగినా వొడఁబాటులై మించు
కడువిలాసాలతోడి కామినులు
అడరి శ్రీ వెంకటేశ అలమేలుమంగ యీకె
తడయక కూడెనిదె తగవందురిందరు
(||pallavi||)
aḍugāna nīsem̐ta lamṛtamulĕ nīgu
yĕḍuvalĕnainā mīgiddarigim̐ dagunu
(||aḍu||)
mŏkkalāna naḍasinā muribĕmulai tom̐su
sakkam̐danamulu gala jalajākṣhulu
kakkasiṁchi māḍāḍinā kāmamaṁtramai tom̐su
vĕkkasabu javvanāna viṟavīm̐gevāralu
(||aḍu||)
alavogagā navvina āyamulu garam̐ganu
valabiṁcha nerisina vanidalu
talagŏni jaṁkiṁchinā taridībulai yuṁḍu
nilisi jaṁṭavāyani nĕrajāṇalu
(||aḍu||)
vŏḍivaṭṭi pĕnam̐ginā vŏḍam̐bāḍulai miṁchu
kaḍuvilāsāladoḍi kāminulu
aḍari śhrī vĕṁkaḍeśha alamelumaṁga yīgĕ
taḍayaga kūḍĕnidĕ tagavaṁduriṁdaru