అటు గొంతకాలంబు లనుభవించఁగఁ గలిగె
(॥పల్లవి॥)
అటు గొంతకాలంబు లనుభవించఁగఁ గలిగె
యిటు గొంతకాలంబు యివి చూడవలనె
(॥అటు॥)
వెన్నెలలుఁ జీఁకట్లు వెలఁది సుఖదు:ఖములు
కన్నుదెరచి మూయుటలు గతులు నవగతులు
మన్ననలు వొల్లములు మగువ పగలును రేయి
తన్నుఁదానె సమకూడుఁ దనుఁదానె తొలఁగు
(॥అటు॥)
కిందు మీఁదైవచ్చుఁ గినుకలును దాలిములు
ముందు వెనకగుఁ జెలియ మోదఖేదములు
పొందికలు పాయుటలు పొలఁతి సౌభాగ్యములు
ఇందరికి సరిగాఁగ నెదురెదురనుండు
(॥అటు॥)
మరచినను తలఁచినను మనసు తనపైనుండు-
టెరుఁగునది తిరువేంకటేశ్వరుండు
తెరవనిదె కరుణించె దేవుఁడే నాయకుఁడు
తరితీపుసేయుఁ గాని తలఁపులోనుండు
(||pallavi||)
aḍu gŏṁtagālaṁbu lanubhaviṁcham̐gam̐ galigĕ
yiḍu gŏṁtagālaṁbu yivi sūḍavalanĕ
(||aḍu||)
vĕnnĕlalum̐ jīm̐kaṭlu vĕlam̐di sukhadu:khamulu
kannudĕrasi mūyuḍalu gadulu navagadulu
mannanalu vŏllamulu maguva pagalunu reyi
tannum̐dānĕ samagūḍum̐ danum̐dānĕ tŏlam̐gu
(||aḍu||)
kiṁdu mīm̐daivachchum̐ ginugalunu dālimulu
muṁdu vĕnagagum̐ jĕliya modakhedamulu
pŏṁdigalu pāyuḍalu pŏlam̐ti saubhāgyamulu
iṁdarigi sarigām̐ga nĕdurĕduranuṁḍu
(||aḍu||)
marasinanu talam̐sinanu manasu tanabainuṁḍu-
ṭĕrum̐gunadi tiruveṁkaḍeśhvaruṁḍu
tĕravanidĕ karuṇiṁchĕ devum̐ḍe nāyagum̐ḍu
taridībuseyum̐ gāni talam̐pulonuṁḍu