అదియు నాపెద్దరికమన్నిటాఁ గాదా
(॥పల్లవి॥)
అదియు నాపెద్దరికమన్నిటాఁ గాదా
పదరినా యిందరును బలఁగమే కదవే
(॥అది॥)
మన్నించే యాతనికిని మఱిఁగొందరు రానీవే
కన్నులెంత పెద్దవైనా కలిమే కదే
మున్నిటి వారి కతఁడు మొక్కులెల్లా మొక్కనీవే
చన్నులెంత పెద్దలయినా జవ్వనమే కదవే
(॥అది॥)
అడఁగి మడఁగి వారికట్టే తా నడచీని
నడుమెంత కొంచెమైనా నయమే కదే
బడిబడిఁ గన్నచోట బాసలెల్లాఁ జేసీని
కడు గొప్ప పిఱుఁదు సింగారమే కదవే
(॥అది॥)
సరికి బేసికిఁ దాను జాణతనాలాడీని
కురులు గూడితేఁ గొప్పు గొప్పౌఁగదే
యిరవై శ్రీవేంకటేశుఁ డిందరిలో నన్నుఁ గూడె
వొరసితే మోవితేనెలూరేవే కదవే
(||pallavi||)
adiyu nābĕddarigamanniḍām̐ gādā
padarinā yiṁdarunu balam̐game kadave
(||adi||)
manniṁche yādanigini maṟim̐gŏṁdaru rānīve
kannulĕṁta pĕddavainā kalime kade
munniḍi vāri kadam̐ḍu mŏkkulĕllā mŏkkanīve
sannulĕṁta pĕddalayinā javvaname kadave
(||adi||)
aḍam̐gi maḍam̐gi vārigaṭṭe tā naḍasīni
naḍumĕṁta kŏṁchĕmainā nayame kade
baḍibaḍim̐ gannasoḍa bāsalĕllām̐ jesīni
kaḍu gŏppa piṟum̐du siṁgārame kadave
(||adi||)
sarigi besigim̐ dānu jāṇadanālāḍīni
kurulu gūḍidem̐ gŏppu gŏppaum̐gade
yiravai śhrīveṁkaḍeśhum̐ ḍiṁdarilo nannum̐ gūḍĕ
vŏraside movidenĕlūreve kadave