(॥పల్లవి॥)
అదియేల తా మాను మాయందు నిష్టూరమే కాక
చెదరి విత్తొకటియుఁ జెట్టొకటి యౌనా
(॥అది॥)
కడుఁ బుణ్యపాపాలు గలిగిన జన్మము
చెడుఁ బుణ్యపాపాలు సేయకుండీనా
పుడమిలో ముష్టిమానఁ బొడమిన శాఖలు
బడి ముష్టిపండ్లై పండకుండీనా
(॥అది॥)
పంచేంద్రియాలఁ బుట్టి పరగిన యీమేను
పంచేంద్రియాలమీఁది భ్రమ మానీనా
పొంచి హేయములోనఁ బుట్టిన కీటములెల్ల
కొంచి హేయమే చవిగొనకుండీనా
(॥అది॥)
శ్రీవేంకటేశ నీవుచేసిన యీమాయలు
నీవల్ల మానుఁ గాక నేఁ గర్తనా
దైవమవై నాలోనఁ దగిలి నాదుర్గుణాలు
వేవేగ మానుపఁగ వెతదీరెఁ గాక
(||pallavi||)
adiyela tā mānu māyaṁdu niṣhṭūrame kāga
sĕdari vittŏgaḍiyum̐ jĕṭṭŏgaḍi yaunā
(||adi||)
kaḍum̐ buṇyabābālu galigina janmamu
sĕḍum̐ buṇyabābālu seyaguṁḍīnā
puḍamilo muṣhṭimānam̐ bŏḍamina śhākhalu
baḍi muṣhṭibaṁḍlai paṁḍaguṁḍīnā
(||adi||)
paṁcheṁdriyālam̐ buṭṭi paragina yīmenu
paṁcheṁdriyālamīm̐di bhrama mānīnā
pŏṁchi heyamulonam̐ buṭṭina kīḍamulĕlla
kŏṁchi heyame savigŏnaguṁḍīnā
(||adi||)
śhrīveṁkaḍeśha nīvusesina yīmāyalu
nīvalla mānum̐ gāga nem̐ gardanā
daivamavai nālonam̐ dagili nādurguṇālu
vevega mānubam̐ga vĕdadīrĕm̐ gāga