(॥పల్లవి॥)
అదివో నీప్రతాపము హనుమంతా
యెదురులేదు నీకు నెక్కడా హనుమంతా
(॥అది॥)
యెత్తిననీ కుడిహస్త మిల నసురలు చూచి
హత్తిరి పాతాళము హనుమంతా
చిత్తగించి నీ యెడమ చేతి పిడికిటికి
తత్తరించి చిక్కిరదె దైత్యులు హనుమంతా
(॥అది॥)
నలియఁ దొక్కిన నీ వున్నతపుఁ బాదముకింద-
నలమటించే రరులు హనుమంతా
చలపట్టి నీవు జంగ చాఁచిన పాదహతిని
బలుదానవులు భంగపడిరి హనుమంతా
(॥అది॥)
వడి నీవు మీఁదికి వాలమల్లార్చిన
అడఁగిరి రాక్షసులు హనుమంతా
బడినే శ్రీవేంకటేశుపంపున నీవు గెల్వఁగ
బెడిదమై పొగడేరు పెద్ద హనుమంతా
(||pallavi||)
adivo nīpradābamu hanumaṁtā
yĕduruledu nīgu nĕkkaḍā hanumaṁtā
(||adi||)
yĕttinanī kuḍihasta mila nasuralu sūsi
hattiri pādāḽamu hanumaṁtā
sittagiṁchi nī yĕḍama sedi piḍigiḍigi
tattariṁchi sikkiradĕ daityulu hanumaṁtā
(||adi||)
naliyam̐ dŏkkina nī vunnadabum̐ bādamugiṁda-
nalamaḍiṁche rarulu hanumaṁtā
salabaṭṭi nīvu jaṁga sām̐sina pādahadini
baludānavulu bhaṁgabaḍiri hanumaṁtā
(||adi||)
vaḍi nīvu mīm̐digi vālamallārsina
aḍam̐giri rākṣhasulu hanumaṁtā
baḍine śhrīveṁkaḍeśhubaṁpuna nīvu gĕlvam̐ga
bĕḍidamai pŏgaḍeru pĕdda hanumaṁtā