(॥పల్లవి॥)
అతిసులభం బిది యందరిపాలికి
గతియిది శ్రీపతి కైంకర్యంబు
(॥అతి॥)
పాలసముద్రము బలిమిఁ దచ్చికొని-
రాలరిదేవత లమృతమును
నాలుక నిదె హరినామపుటమృతము
యేల కానరో యిహపరసుఖము
(॥అతి॥)
అడరి బాఁతిపడి యవని దేవతలు
బడివాయరు యజ్ఞభాగాలకు
విడువక చేతిలో విష్ణుప్రసాదము
కడిగడియైనది కానరు గాని
(॥అతి॥)
యెక్కుదురు దిగుదు రేడులోకములు
పక్కనఁ దపముల బడలుచును
చిక్కినాఁడు మతి శ్రీవేంకటేశ్వరుఁ -
డిక్కడి తుదిపద మెఱఁగరు గాని
(||pallavi||)
adisulabhaṁ bidi yaṁdaribāligi
gadiyidi śhrībadi kaiṁkaryaṁbu
(||adi||)
pālasamudramu balimim̐ dachchigŏni-
rālaridevada lamṛtamunu
nāluga nidĕ harināmabuḍamṛtamu
yela kānaro yihabarasukhamu
(||adi||)
aḍari bām̐tibaḍi yavani devadalu
baḍivāyaru yajñabhāgālagu
viḍuvaga sedilo viṣhṇuprasādamu
kaḍigaḍiyainadi kānaru gāni
(||adi||)
yĕkkuduru digudu reḍulogamulu
pakkanam̐ dabamula baḍalusunu
sikkinām̐ḍu madi śhrīveṁkaḍeśhvarum̐ -
ḍikkaḍi tudibada mĕṟam̐garu gāni