(॥పల్లవి॥)
అతిరాజసపు దొరవైన నిన్నును
సతమైన నే నిట్టె సాదించవచ్చునా
(॥అతి॥)
వెడఁగు నీ సుద్దులెల్ల వీనుల వినుటగాక
నొడిగి నిన్నవి నే మానుపవచ్చునా
కడఁగిన చేత లెల్ల కన్నుఁజూచుటగాక
అడఁచి నీతో నౌఁగా దనవచ్చునా
(॥అతి॥)
పచ్చి నీగుణములకు పరిణామించుటగాక
కెచ్చురేఁగి బొమ్మల జంకించవచ్చునా
తచ్చిన నీ యెమ్మెలకుఁ దలవంచుకొంటగాక
వొచ్చమని నిన్ను మెచ్చకుండవచ్చునా
(॥అతి॥)
దక్కిన నీకాఁగిటను తనివి నొందుటగాక
చక్కని నిన్ను నేఁ గొసరవచ్చునా
అక్కున శ్రీ వెంకటేశ అలమేలుమంగనేను
యెక్కువ నీరతు లివి యెంచవచ్చునా
(||pallavi||)
adirājasabu dŏravaina ninnunu
sadamaina ne niṭṭĕ sādiṁchavachchunā
(||adi||)
vĕḍam̐gu nī suddulĕlla vīnula vinuḍagāga
nŏḍigi ninnavi ne mānubavachchunā
kaḍam̐gina seda lĕlla kannum̐jūsuḍagāga
aḍam̐si nīdo naum̐gā danavachchunā
(||adi||)
pachchi nīguṇamulagu pariṇāmiṁchuḍagāga
kĕchchurem̐gi bŏmmala jaṁkiṁchavachchunā
tachchina nī yĕmmĕlagum̐ dalavaṁchugŏṁṭagāga
vŏchchamani ninnu mĕchchaguṁḍavachchunā
(||adi||)
dakkina nīgām̐giḍanu tanivi nŏṁduḍagāga
sakkani ninnu nem̐ gŏsaravachchunā
akkuna śhrī vĕṁkaḍeśha alamelumaṁganenu
yĕkkuva nīradu livi yĕṁchavachchunā