(॥పల్లవి॥)
అది నాయపరాధమిది నాయపరాధ-
మదియు నిదియు నాయపరాధము
(॥అది॥)
నెరయ రూపములెల్ల నీరూపమేకా
నరయని యది నాయపరాధము
పరిపూర్ణుఁడగు నిన్నుఁ బరిచ్ఛిన్నునిఁగా-
నరయుట యది నాయపరాధము
(॥అది॥)
జీవాత్మునిఁగాఁ జింతింపఁ దలఁచుట
యావంక నది నాయపరాధము
సేవించి నిను నాత్మఁ జింతింపకుండుట
ఆవల నిది నాయపరాధము
(॥అది॥)
యీడెరఁగక వేంకటేశుఁడ నినుఁ గొని-
యాడుట యది నాయపరాధము
యేడఁ జూచిన నాయెదుర నుండఁగ నిన్ను
నాడ నీడ వెదకుటపరాధము
(||pallavi||)
adi nāyabarādhamidi nāyabarādha-
madiyu nidiyu nāyabarādhamu
(||adi||)
nĕraya rūbamulĕlla nīrūbamegā
narayani yadi nāyabarādhamu
paribūrṇum̐ḍagu ninnum̐ barichchhinnunim̐gā-
narayuḍa yadi nāyabarādhamu
(||adi||)
jīvātmunim̐gām̐ jiṁtiṁpam̐ dalam̐suḍa
yāvaṁka nadi nāyabarādhamu
seviṁchi ninu nātmam̐ jiṁtiṁpaguṁḍuḍa
āvala nidi nāyabarādhamu
(||adi||)
yīḍĕram̐gaga veṁkaḍeśhum̐ḍa ninum̐ gŏni-
yāḍuḍa yadi nāyabarādhamu
yeḍam̐ jūsina nāyĕdura nuṁḍam̐ga ninnu
nāḍa nīḍa vĕdaguḍabarādhamu