(॥పల్లవి॥)
అధమునికి (ఁడగు?) నను విధాయకులు విధియించరో
విధిలోనఁ గొంత దుర్విధి నెరపినాఁడ
(॥అధ॥)
పాతకుని పాపాలు పరిహరింపించరో
భూతంబులాల తోఁబుట్టులాల
యేతులకు హరి దలఁచి యిటువంటి యీ మేన
బూతుఁజేతలనె వొరపులు నెరపినాఁడ
(॥అధ॥)
పాపకర్మునికి భృగుపతనంబు చూపరో
తాపత్రయములాల తమ్ములాల
దీపించు హరి దలఁచి ధృతిలేక మరి మనో
వ్యాపారములు గొన్ని వడిఁ దలఁచినాఁడ
(॥అధ॥)
చంచలున కేది నిశ్చయవిధి విధించరో
పంచేంద్రియములాల బంధులాల
ఎంచనరుదగు వేంకటేశ్వరుఁ బొగడునోర
కాంచి యితరుల నాలికకుఁ జేర్చినాఁడ
(||pallavi||)
adhamunigi (m̐ḍagu?) nanu vidhāyagulu vidhiyiṁcharo
vidhilonam̐ gŏṁta durvidhi nĕrabinām̐ḍa
(||adha||)
pādaguni pābālu parihariṁpiṁcharo
bhūdaṁbulāla tom̐buṭṭulāla
yedulagu hari dalam̐si yiḍuvaṁṭi yī mena
būdum̐jedalanĕ vŏrabulu nĕrabinām̐ḍa
(||adha||)
pābagarmunigi bhṛgubadanaṁbu sūbaro
tābatrayamulāla tammulāla
dībiṁchu hari dalam̐si dhṛtilega mari mano
vyābāramulu gŏnni vaḍim̐ dalam̐sinām̐ḍa
(||adha||)
saṁchaluna kedi niśhchayavidhi vidhiṁcharo
paṁcheṁdriyamulāla baṁdhulāla
ĕṁchanarudagu veṁkaḍeśhvarum̐ bŏgaḍunora
kāṁchi yidarula nāligagum̐ jersinām̐ḍa