(॥పల్లవి॥)
అదెవచ్చె నిదివచ్చె నచ్యుతు సేనాపతి
పదిదిక్కులకు నిట్టె పారరో యసురలు
(॥అదె॥)
గరుడధ్వజంబదె ఘన శంఖరవమదె
సరుసనే విష్ణుదేవుచక్రమదె
మురవైరి పంపులవె ముందరిసేనలవె
పరచి గగ్గుల కాడై పారరో దానవులు
(॥అదె॥)
తెల్లని గొడుగులవె దేవదుంధుబులునవె
యెల్ల దేవతల రథాలింతటానవె
కెల్లురేఁగీ నిక్కి హరికీర్తి భుజములవె
పల్లపు పాతాళానఁ బడరో దనుజులు
(॥అదె॥)
వెండిపైఁడి గుదెలవె వెంజామరలవె
మెండగు కైవారాలు మించినవవె
దండి శ్రీవేంకటపతి దాడిముట్టెనదె యిదె
బండుబండై జజ్జరించి పారరో దైతేయులు
(||pallavi||)
adĕvachchĕ nidivachchĕ nachyudu senābadi
padidikkulagu niṭṭĕ pāraro yasuralu
(||adĕ||)
garuḍadhvajaṁbadĕ ghana śhaṁkharavamadĕ
sarusane viṣhṇudevusakramadĕ
muravairi paṁpulavĕ muṁdarisenalavĕ
parasi gaggula kāḍai pāraro dānavulu
(||adĕ||)
tĕllani gŏḍugulavĕ devaduṁdhubulunavĕ
yĕlla devadala rathāliṁtaḍānavĕ
kĕllurem̐gī nikki harigīrdi bhujamulavĕ
pallabu pādāḽānam̐ baḍaro danujulu
(||adĕ||)
vĕṁḍibaim̐ḍi gudĕlavĕ vĕṁjāmaralavĕ
mĕṁḍagu kaivārālu miṁchinavavĕ
daṁḍi śhrīveṁkaḍabadi dāḍimuṭṭĕnadĕ yidĕ
baṁḍubaṁḍai jajjariṁchi pāraro daideyulu