(॥పల్లవి॥)
అదె వచ్చె రాఘవుఁ డాతని దాటి ముట్టె
యెదిరించరాదు మీకు నేది దెరు విపుడు
(॥అదె॥)
భువిలోన రాముఁడై పుట్టెనట విష్ణుఁడు
అవల మీకు దిక్కేది యసురలాల
తివిరి మిమ్ము వెదకె దివ్య బాణాలాతనివి
రవళి నెందు చొచ్చేరు రాకాసులాల
(॥అదె॥)
చలపట్టి కొండలచే సముద్రము గట్టెనట
తల చూపరాదు మీకే దైత్యులాల
వలగొని దేవతలు వానరులై వచ్చిరట
నిలువరా దిఁక మీకు నిశాచరులాల
(॥అదె॥)
రావణుఁ జంపెనట రణములోఁ జిక్కించుక
దావతిఁ బారరో మీరు దానవులాల
యీ వేళ శ్రీ వేంకటేశుఁడితడే విభీషణుని
లావున శరణనరో లంకావాసులాల
(||pallavi||)
adĕ vachchĕ rāghavum̐ ḍādani dāḍi muṭṭĕ
yĕdiriṁcharādu mīgu nedi dĕru vibuḍu
(||adĕ||)
bhuvilona rāmum̐ḍai puṭṭĕnaḍa viṣhṇum̐ḍu
avala mīgu dikkedi yasuralāla
tiviri mimmu vĕdagĕ divya bāṇālādanivi
ravaḽi nĕṁdu sŏchcheru rāgāsulāla
(||adĕ||)
salabaṭṭi kŏṁḍalase samudramu gaṭṭĕnaḍa
tala sūbarādu mīge daityulāla
valagŏni devadalu vānarulai vachchiraḍa
niluvarā dim̐ka mīgu niśhāsarulāla
(||adĕ||)
rāvaṇum̐ jaṁpĕnaḍa raṇamulom̐ jikkiṁchuga
dāvadim̐ bāraro mīru dānavulāla
yī veḽa śhrī veṁkaḍeśhum̐ḍidaḍe vibhīṣhaṇuni
lāvuna śharaṇanaro laṁkāvāsulāla