(॥పల్లవి॥)
అదె తాఁ దానే కదవే అంగన వీఁడు
వెదకి యెందు చూచిన వీఁడే వాఁడు
(॥అదె॥)
కలలో వచ్చినవాఁడు కప్పురమిచ్చినవాఁడు
చెలఁగేటి వురముపై చెలియవాఁడు
తెలిసి మేలుకొంటేను దేవరవలెనున్నాఁడు
వెలుపలఁ దానె యై వీఁడేవాఁడు
(॥అదె॥)
నిక్కిచూచినట్టివాఁడు నిన్నటిమొన్నటివాఁడు
తక్కక తులసిపెద్దదండలవాఁడు
పక్కనఁ బేరుకొంటేను పలికీ నిప్పుడే వీఁడు
వెక్కసపు నవ్వులతో వీఁడేవాఁడు
(॥అదె॥)
అడుగనంపినవాఁడు ఆయములంటినవాఁడు
కడలేని శ్రీ వెంకటప్పవాఁడు
అడియాలముగఁ గూడెనంతలోనిప్పుడు వీఁడు
విడువని మహిమల వీఁడేవాఁడు
(||pallavi||)
adĕ tām̐ dāne kadave aṁgana vīm̐ḍu
vĕdagi yĕṁdu sūsina vīm̐ḍe vām̐ḍu
(||adĕ||)
kalalo vachchinavām̐ḍu kappuramichchinavām̐ḍu
sĕlam̐geḍi vuramubai sĕliyavām̐ḍu
tĕlisi melugŏṁṭenu devaravalĕnunnām̐ḍu
vĕlubalam̐ dānĕ yai vīm̐ḍevām̐ḍu
(||adĕ||)
nikkisūsinaṭṭivām̐ḍu ninnaḍimŏnnaḍivām̐ḍu
takkaga tulasibĕddadaṁḍalavām̐ḍu
pakkanam̐ berugŏṁṭenu paligī nippuḍe vīm̐ḍu
vĕkkasabu navvulado vīm̐ḍevām̐ḍu
(||adĕ||)
aḍuganaṁpinavām̐ḍu āyamulaṁṭinavām̐ḍu
kaḍaleni śhrī vĕṁkaḍappavām̐ḍu
aḍiyālamugam̐ gūḍĕnaṁtalonippuḍu vīm̐ḍu
viḍuvani mahimala vīm̐ḍevām̐ḍu