అదె చూడు తిరువేంకటాద్రి నాలుగు యుగము
(॥పల్లవి॥)
అదె చూడు తిరువేంకటాద్రి నాలుగు యుగము-
లందు వెలుగొందీ ప్రభ మీరఁగాను
(॥అదె॥)
తగ నూటయిరువై యెనిమిది తిరుపతుల గల
స్థానికులును చక్రవర్తి పీఠకములును
అగణితంబైన దేశాంత్రుల మఠంబులును
నధికమై చెలువొందఁగాను
(॥అదె॥)
మిగుల నున్నతములగు మేడలును మాడుగులు
మితిలేని దివ్య తపసులున్న గృహములును
వొగి నొరగుఁ బెరుమాళ్ళ వునికి పట్టయివెలయు
దిగువ తిరుపతి గడవఁగాను
(॥అదె॥)
పొదలి యరయోజనము పొడవుననుఁ బొలుపొంది
పదినొండు యోజనంబుల పరపుననుఁ బరగి
చెదరకే వంక చూచిన మహాభూజములు
సింహశార్దూలములును
(॥అదె॥)
కదిసి సురవరలు కిన్నరులు కింపురుషులును.....
గరుడ గంధర్వ యక్షులును విద్యాధరులు
విదితమై విహరించు విశ్రాంతదేశముల
వేడుకలు దైవారగాను
(॥అదె॥)
యెక్కువల కెక్కువై యెసఁగి వెలసిన పెద్ద-
యెక్కు డతిశయముగా నెక్కి నంతటిమీఁద
అక్కజంబైన పల్లవరాయని మటము
అలయేట్లపేడ గడవ
చక్కనేఁగుచు నవ్వచరిఁ గడచి హరిఁ దలఁచి
మ్రొక్కుచును మోకాళ్ళముడుగు గడచిన మీఁద-
నక్కడక్కడ వేంకటాద్రీశు సంపదలు
అంతంతఁ గానరాఁగాను
(॥అదె॥)
బుగులుకొను పరిమళంబుల పూవుఁదోఁటలును
పొందైన నానావిధంబుల వనంబులును
నిగిడి కిక్కిరిసి పండిన మహావృక్షముల-
నీడలను నిలిచి నిలిచి
గగనంబు దాఁకి శృంగార రసభరితమై -
కనకమయమైన గోపురములనుఁ జెలువొంది
జగతీధరుని దివ్యసంపదలు గల నగరు
సరుగననుఁ గానరాఁగాను
(॥అదె॥)
ప్రాకటంబైన పాపవినాశనములోని
భరితమగు దురితములు పగిలి పారుచునుండ
ఆకాశగంగ తోయములు సోఁకిన భవము
లంతంత వీఁడి పారఁగను
యీకడనుఁ గోనేట యతులుఁ బాశుపతుల్ మును-
లెన్న నగ్గలమైవున్న వైష్ణవులలో
యేకమై తిరువేంకటాద్రీశుఁడాదరిని
యేప్రొద్దు విహరించఁగాను
(||pallavi||)
adĕ sūḍu tiruveṁkaḍādri nālugu yugamu-
laṁdu vĕlugŏṁdī prabha mīram̐gānu
(||adĕ||)
taga nūḍayiruvai yĕnimidi tirubadula gala
sthānigulunu sakravardi pīṭhagamulunu
agaṇidaṁbaina deśhāṁtrula maṭhaṁbulunu
nadhigamai sĕluvŏṁdam̐gānu
(||adĕ||)
migula nunnadamulagu meḍalunu māḍugulu
midileni divya tabasulunna gṛhamulunu
vŏgi nŏragum̐ bĕrumāḽḽa vunigi paṭṭayivĕlayu
diguva tirubadi gaḍavam̐gānu
(||adĕ||)
pŏdali yarayojanamu pŏḍavunanum̐ bŏlubŏṁdi
padinŏṁḍu yojanaṁbula parabunanum̐ baragi
sĕdarage vaṁka sūsina mahābhūjamulu
siṁhaśhārdūlamulunu
(||adĕ||)
kadisi suravaralu kinnarulu kiṁpuruṣhulunu.....
garuḍa gaṁdharva yakṣhulunu vidyādharulu
vididamai vihariṁchu viśhrāṁtadeśhamula
veḍugalu daivāragānu
(||adĕ||)
yĕkkuvala kĕkkuvai yĕsam̐gi vĕlasina pĕdda-
yĕkku ḍadiśhayamugā nĕkki naṁtaḍimīm̐da
akkajaṁbaina pallavarāyani maḍamu
alayeṭlabeḍa gaḍava
sakkanem̐gusu navvasarim̐ gaḍasi harim̐ dalam̐si
mrŏkkusunu mogāḽḽamuḍugu gaḍasina mīm̐da-
nakkaḍakkaḍa veṁkaḍādrīśhu saṁpadalu
aṁtaṁtam̐ gānarām̐gānu
(||adĕ||)
bugulugŏnu parimaḽaṁbula pūvum̐dom̐ṭalunu
pŏṁdaina nānāvidhaṁbula vanaṁbulunu
nigiḍi kikkirisi paṁḍina mahāvṛkṣhamula-
nīḍalanu nilisi nilisi
gaganaṁbu dām̐ki śhṛṁgāra rasabharidamai -
kanagamayamaina goburamulanum̐ jĕluvŏṁdi
jagadīdharuni divyasaṁpadalu gala nagaru
sarugananum̐ gānarām̐gānu
(||adĕ||)
prāgaḍaṁbaina pābavināśhanamuloni
bharidamagu duridamulu pagili pārusunuṁḍa
āgāśhagaṁga toyamulu som̐kina bhavamu
laṁtaṁta vīm̐ḍi pāram̐ganu
yīgaḍanum̐ goneḍa yadulum̐ bāśhubadul munu-
lĕnna naggalamaivunna vaiṣhṇavulalo
yegamai tiruveṁkaḍādrīśhum̐ḍādarini
yeprŏddu vihariṁcham̐gānu