(॥పల్లవి॥)
అదె శ్రీవేంకటపతి అలిమేలుమంగయును
కదిసివున్నారు తమకమునఁ బెండ్లికిని
(॥అదె॥)
బాసికములు గట్టరో పై పై దంపతులకు
శేసపాలందియ్యరో చేతులకును
సూసకాల పేరటాండ్లు సోబానఁబాడరో
మోసపోక యిట్టే ముహూర్తమడుగరో
(॥అదె॥)
గక్కునను మంగళాష్టకములు చదువరో
తక్కక జేఁగట వేసి తప్పకుండాను
నిక్కి నిక్కి చూచేరదే నెరిఁ దెర దియ్యరో
వొక్కటైరి కొంగుముళ్లు వొనరఁగ వేయరో
(॥అదె॥)
కంకణదారములను కట్టరో యిద్దరికిని
సుంకులఁ బెండ్లిపీఁటఁ గూచుండఁ బెట్టరో
లంకె శ్రీవేంకటేశు నలమేల్మంగను దీవించి
అంకెలఁ బానుపుమీఁద నమరించరో
(||pallavi||)
adĕ śhrīveṁkaḍabadi alimelumaṁgayunu
kadisivunnāru tamagamunam̐ bĕṁḍligini
(||adĕ||)
bāsigamulu gaṭṭaro pai pai daṁpadulagu
śhesabālaṁdiyyaro sedulagunu
sūsagāla peraḍāṁḍlu sobānam̐bāḍaro
mosaboga yiṭṭe muhūrdamaḍugaro
(||adĕ||)
gakkunanu maṁgaḽāṣhṭagamulu saduvaro
takkaga jem̐gaḍa vesi tappaguṁḍānu
nikki nikki sūserade nĕrim̐ dĕra diyyaro
vŏkkaḍairi kŏṁgumuḽlu vŏnaram̐ga veyaro
(||adĕ||)
kaṁkaṇadāramulanu kaṭṭaro yiddarigini
suṁkulam̐ bĕṁḍlibīm̐ṭam̐ gūsuṁḍam̐ bĕṭṭaro
laṁkĕ śhrīveṁkaḍeśhu nalamelmaṁganu dīviṁchi
aṁkĕlam̐ bānubumīm̐da namariṁcharo