అడ్డములేని నాలిక నాడుదురుగాక భూమి
(॥పల్లవి॥)
అడ్డములేని నాలిక నాడుదురుగాక భూమి
దొడ్డవాఁడేమి సేసినా దోస మందు నేది
(॥అడ్డము॥)
ఆతుమలో మదనుఁడవయ్యే వాఁడవు నీవే
ఆతల నాలిమగఁడువనే వాఁరలు నీవే
ఘాతల పరాంగనఁ గలసితివని నిన్ను
తోతో మునుల కిఁక దూరఁ జోటేదయ్యా
(॥అడ్డము॥)
దేహము లోపలనున్న దీపనాగ్నియు నీవే
దాహము నాఁకలి నీవే తగురుచులెల్ల నీవే
ఆహా శబరియెంగి లారగించి తనుమాట
సోహల నిందించి నవ్వఁ జోటిందు నేది
(॥అడ్డము॥)
పుట్టుగు లోపలనున్న భోగము లన్నియు నీవే
ఇట్టే ఆచారములు హీనాధికములు నీవే
గుట్టున శ్రీవేంకటేశ గొల్లఁడవై పుట్టినందు-
కుట్టిపడి యెవ్వరికి నూహించఁజోటేది
(||pallavi||)
aḍḍamuleni nāliga nāḍudurugāga bhūmi
dŏḍḍavām̐ḍemi sesinā dosa maṁdu nedi
(||aḍḍamu||)
ādumalo madanum̐ḍavayye vām̐ḍavu nīve
ādala nālimagam̐ḍuvane vām̐ralu nīve
ghādala parāṁganam̐ galasidivani ninnu
todo munula kim̐ka dūram̐ joḍedayyā
(||aḍḍamu||)
dehamu lobalanunna dībanāgniyu nīve
dāhamu nām̐kali nīve tagurusulĕlla nīve
āhā śhabariyĕṁgi lāragiṁchi tanumāḍa
sohala niṁdiṁchi navvam̐ joḍiṁdu nedi
(||aḍḍamu||)
puṭṭugu lobalanunna bhogamu lanniyu nīve
iṭṭe āsāramulu hīnādhigamulu nīve
guṭṭuna śhrīveṁkaḍeśha gŏllam̐ḍavai puṭṭinaṁdu-
kuṭṭibaḍi yĕvvarigi nūhiṁcham̐joḍedi