(॥పల్లవి॥)
అడర శ్రావణబహుళాష్టమి నేఁ డితఁడు
నడురేయి జనియించినాఁడు చూడఁగదరే
(॥అడ॥)
గొంతిదేవిమేనల్లుఁడు గోపసతులమగఁడు
పంతపుపాండవులకు బావమరఁది
వంతుతో వసుదేవదేవకులకుమారుఁడు
ఇంతటికృష్ణుఁడు జనియించినాఁడుగదరే
(॥అడ॥)
బలరామునితమ్ముఁడు పంచసాయకునితండ్రి
మలసి మేటైనయభిమన్యునిమామ
లలి సాత్యకిసుభద్రలకుఁ దోఁబుట్టినయన్న
ఇలపైఁ గృష్ణుఁడు జనియించినాఁడుగదరే
(॥అడ॥)
సూరసేనుమనుమఁ డచ్చుగ ననిరుద్ధుతాత
పౌరవయాదవలోకబాంధవుఁడు
ఆరయ శ్రీవేంకటేశుఁ డలమేల్మంగకుఁ బతి
యీరీతిఁ గృష్ణుఁడు జనియించినాఁడుగదరే
(||pallavi||)
aḍara śhrāvaṇabahuḽāṣhṭami nem̐ ḍidam̐ḍu
naḍureyi janiyiṁchinām̐ḍu sūḍam̐gadare
(||aḍa||)
gŏṁtidevimenallum̐ḍu gobasadulamagam̐ḍu
paṁtabubāṁḍavulagu bāvamaram̐di
vaṁtudo vasudevadevagulagumārum̐ḍu
iṁtaḍikṛṣhṇum̐ḍu janiyiṁchinām̐ḍugadare
(||aḍa||)
balarāmunidammum̐ḍu paṁchasāyagunidaṁḍri
malasi meḍainayabhimanyunimāma
lali sātyagisubhadralagum̐ dom̐buṭṭinayanna
ilabaim̐ gṛṣhṇum̐ḍu janiyiṁchinām̐ḍugadare
(||aḍa||)
sūrasenumanumam̐ ḍachchuga naniruddhudāda
pauravayādavalogabāṁdhavum̐ḍu
āraya śhrīveṁkaḍeśhum̐ ḍalamelmaṁgagum̐ badi
yīrīdim̐ gṛṣhṇum̐ḍu janiyiṁchinām̐ḍugadare