అతను చే నెట్టయిన నౌదుఁగాక యీ
(॥పల్లవి॥)
అతను చే నెట్టయిన నౌదుఁగాక యీ-
గతిమాలి సొలసే కాయము నాకేఁటికే
(॥అతను॥)
బాససేసి యైనఁ గొంత పట్టలేను చిత్తము
దోసము మాటాడఁ దనతో నాకును
అసలాఁపలేక చేరి యంటిఁ గాక యింత-
సేసిన యాతనిమోము చెల్లఁబో నేఁజూతునా
(॥అతను॥)
దగ్గరి నావద్దఁ దనతరుణిఁ దలఁచినంత
సిగ్గుపడవలెను నాచిత్తమునందే
నిగ్గుదేరేకాఁకతోడ నిలువలేఁ గాక యింత-
బగ్గన నాదేహమిది పారవేయ సరకా
(॥అతను॥)
దేవుఁడంటాఁ దనమీఁద తెగి సొలపుమాటల
మోవనాడలేక యింత మొక్కితిఁ గాని
శ్రీ వేంకటేశుఁడింత చిత్తిణివిద్యల నాతఁ-
డేవంక కేఁగినను మాయింటికి విచ్చేసెఁగా
(||pallavi||)
adanu se nĕṭṭayina naudum̐gāga yī-
gadimāli sŏlase kāyamu nāgem̐ṭige
(||adanu||)
bāsasesi yainam̐ gŏṁta paṭṭalenu sittamu
dosamu māḍāḍam̐ danado nāgunu
asalām̐palega seri yaṁṭim̐ gāga yiṁta-
sesina yādanimomu sĕllam̐bo nem̐jūdunā
(||adanu||)
daggari nāvaddam̐ danadaruṇim̐ dalam̐sinaṁta
siggubaḍavalĕnu nāsittamunaṁde
nigguderegām̐kadoḍa niluvalem̐ gāga yiṁta-
baggana nādehamidi pāraveya saragā
(||adanu||)
devum̐ḍaṁṭām̐ danamīm̐da tĕgi sŏlabumāḍala
movanāḍalega yiṁta mŏkkidim̐ gāni
śhrī veṁkaḍeśhum̐ḍiṁta sittiṇividyala nādam̐-
ḍevaṁka kem̐ginanu māyiṁṭigi vichchesĕm̐gā