(॥పల్లవి॥)
అతను సంపదకంటె నసదా చెలిరూపు
మతిచింతచేత వేమరు నలఁగెఁ గాక
(॥అతను॥)
తగుఁ జందురుని నణఁచఁ దగదా చెలిమోము
వగలచే నొకయింత వాడెఁగాక
పగటుఁగోవెల మించి పాఱదా సతి పలుకు
జగడమునఁ బతిఁబాసి సన్నగిలెఁ గాక
(॥అతను॥)
కదలు గందపు గాలి గా(వ?)దా చెలియూర్పు
కదిమేటి మదనాగ్నిఁగ్రాఁగెఁ గాక
కొదమ తుమ్మెదగమికిఁ గొఱఁతా చెలితురుము
చెదరి మరుబాణముల చే జాఱెఁగాక
(॥అతను॥)
లీలఁబన్నీటికిని లేఁతా చెలి చెమట
లోలిఁ బూఁబానుపున నుడికెఁగాక
యేలచిగురునకంటె నెరవా చెలిమోవి
గేలి వేంకట విభుఁడు గీలించెఁగాక
(||pallavi||)
adanu saṁpadagaṁṭĕ nasadā sĕlirūbu
madisiṁtaseda vemaru nalam̐gĕm̐ gāga
(||adanu||)
tagum̐ jaṁduruni naṇam̐sam̐ dagadā sĕlimomu
vagalase nŏgayiṁta vāḍĕm̐gāga
pagaḍum̐govĕla miṁchi pāṟadā sadi palugu
jagaḍamunam̐ badim̐bāsi sannagilĕm̐ gāga
(||adanu||)
kadalu gaṁdabu gāli gā(va?)dā sĕliyūrbu
kadimeḍi madanāgnim̐grām̐gĕm̐ gāga
kŏdama tummĕdagamigim̐ gŏṟam̐tā sĕlidurumu
sĕdari marubāṇamula se jāṟĕm̐gāga
(||adanu||)
līlam̐bannīḍigini lem̐tā sĕli sĕmaḍa
lolim̐ būm̐bānubuna nuḍigĕm̐gāga
yelasigurunagaṁṭĕ nĕravā sĕlimovi
geli veṁkaḍa vibhum̐ḍu gīliṁchĕm̐gāga