(॥పల్లవి॥)
అతనిలోనే యణఁగె నన్నియును
కతలెన్నైనాఁ గలవు కమలాక్షుఁ గనరో
(॥అత॥)
యిసుక లెక్కవెట్టితే నెంతై నాఁ గలదు
అసముదించని పుణ్యా లటువంటివే
వసగాని పెక్కు దేవతలఁ గొలుచుకంటే
సుసరాన హరివారై సుఖియించరో
(॥అత॥)
గోడ గడుగఁగఁ బోతేఁ గొనదాఁకా రొంపే
ఆడుకోలు తర్కవాదా లటువంటివే
వాడిక నారుమతాలవాఁడై తిరుగుకంటే
యీడనే శ్రీపతివారై యీడేరరో
(॥అత॥)
మనసునఁ బాలు దాగితే మట్టు లేదు మేర లేదు
అనుగు సంసారభోగా లటువంటివే
దినదిన తపములఁ దీదీపులవుకంటే
తనిసి శ్రీవేంకటేశుదాసులై బ్రదుకరో
(||pallavi||)
adanilone yaṇam̐gĕ nanniyunu
kadalĕnnainām̐ galavu kamalākṣhum̐ ganaro
(||ada||)
yisuga lĕkkavĕṭṭide nĕṁtai nām̐ galadu
asamudiṁchani puṇyā laḍuvaṁṭive
vasagāni pĕkku devadalam̐ gŏlusugaṁṭe
susarāna harivārai sukhiyiṁcharo
(||ada||)
goḍa gaḍugam̐gam̐ bodem̐ gŏnadām̐kā rŏṁpe
āḍugolu targavādā laḍuvaṁṭive
vāḍiga nārumadālavām̐ḍai tirugugaṁṭe
yīḍane śhrībadivārai yīḍeraro
(||ada||)
manasunam̐ bālu dāgide maṭṭu ledu mera ledu
anugu saṁsārabhogā laḍuvaṁṭive
dinadina tabamulam̐ dīdībulavugaṁṭe
tanisi śhrīveṁkaḍeśhudāsulai bradugaro