అతనిదెస చూచి ని న్నపుడు దూరితిమమ్మ
(॥పల్లవి॥)
అతనిదెస చూచి ని న్నపుడు దూరితిమమ్మ
వెతదీర నిఁకనైన విచ్చేయవమ్మా
(॥అత॥)
వుదయచందురుఁ జూచి వువిద నీ మో మనుచు
అదనరావైతివని యలిగి యవ్వలిమో మాయ విభుఁడు
యెదిటి మేఘముఁ జూచి యిదియె నీతురు మనుచు
కొదలుచును తల వంచి కొసరె నిన్ను
(॥అత॥)
చిలుకపలుకులు నీదుపలుకులని యిందాఁక
యెలయించి తనిగొణఁగియెడసి వీనులు మూసుకొనియుండెను
తళుకునను మెరువ నంతట నీదుచూపులని
తెలియనిభ్రమల దోమతెరలోని కేఁగె
(॥అత॥)
కోవిలలరొదలు విని కొమ్మ నీ యెలుఁ గనుచు
భావజుచేఁ బరచితని పదరి నినువేవేలు మాటలాడె
యీవేళ విచ్చేసి యిటు నీవు గలయఁగా
శ్రీవెంకటేశ్వరుఁడు చిక్కెరఁగఁ డాయ
(||pallavi||)
adanidĕsa sūsi ni nnabuḍu dūridimamma
vĕdadīra nim̐kanaina vichcheyavammā
(||ada||)
vudayasaṁdurum̐ jūsi vuvida nī mo manusu
adanarāvaidivani yaligi yavvalimo māya vibhum̐ḍu
yĕdiḍi meghamum̐ jūsi yidiyĕ nīduru manusu
kŏdalusunu tala vaṁchi kŏsarĕ ninnu
(||ada||)
silugabalugulu nīdubalugulani yiṁdām̐ka
yĕlayiṁchi tanigŏṇam̐giyĕḍasi vīnulu mūsugŏniyuṁḍĕnu
taḽugunanu mĕruva naṁtaḍa nīdusūbulani
tĕliyanibhramala domadĕraloni kem̐gĕ
(||ada||)
kovilalarŏdalu vini kŏmma nī yĕlum̐ ganusu
bhāvajusem̐ barasidani padari ninuvevelu māḍalāḍĕ
yīveḽa vichchesi yiḍu nīvu galayam̐gā
śhrīvĕṁkaḍeśhvarum̐ḍu sikkĕram̐gam̐ ḍāya