అతఁడే యెక్కుడు దైవ మందరికంటే
(॥పల్లవి॥)
అతఁడే యెక్కుడు దైవ మందరికంటే
తతినింకాఁ జెప్పిచూప దైవాలు గలవా
(॥అతఁ॥)
జలధి దచ్చేనాఁడు సకల దేవత లుండ
యెలమి నేదేవుఁ జేరె నిందిరాదేవి
అల గజేంద్రుఁడు మూలమని మొరవెట్టునాఁడు
వెలయ నే దేవుఁడు విచ్చేసి కాచెను
(॥అతఁ॥)
పుడమి గొలుచునాఁడు పొడవైన దేవతలు
కెడసి యెవ్వ రడుగు కింద దాఁగిరి
కడలేని జగములు గల్పించే బ్రహ్మదేవుఁ -
డడరి యే దేవు నాభియందుఁ బుట్టెను
(॥అతఁ॥)
యెంచి నాఁడు దేవతల నింద్రియాల జొక్కించే -
పంచబాణుఁ డేదేవునిపట్టి, యిపుడు
కొంచక శ్రీ వేంకటాద్రిఁ గోరిన వరము లిచ్చి
అంచల లోకములేలీ నండ నే దేవుఁడు
(||pallavi||)
adam̐ḍe yĕkkuḍu daiva maṁdarigaṁṭe
tadiniṁkām̐ jĕppisūba daivālu galavā
(||adam̐||)
jaladhi dachchenām̐ḍu sagala devada luṁḍa
yĕlami nedevum̐ jerĕ niṁdirādevi
ala gajeṁdrum̐ḍu mūlamani mŏravĕṭṭunām̐ḍu
vĕlaya ne devum̐ḍu vichchesi kāsĕnu
(||adam̐||)
puḍami gŏlusunām̐ḍu pŏḍavaina devadalu
kĕḍasi yĕvva raḍugu kiṁda dām̐giri
kaḍaleni jagamulu galbiṁche brahmadevum̐ -
ḍaḍari ye devu nābhiyaṁdum̐ buṭṭĕnu
(||adam̐||)
yĕṁchi nām̐ḍu devadala niṁdriyāla jŏkkiṁche -
paṁchabāṇum̐ ḍedevunibaṭṭi, yibuḍu
kŏṁchaga śhrī veṁkaḍādrim̐ gorina varamu lichchi
aṁchala logamulelī naṁḍa ne devum̐ḍu