అతఁడే సకలవ్యాపకుఁ డతఁడే యాతురబంధువుఁ
(॥పల్లవి॥)
అతఁడే సకలవ్యాపకుఁ డతఁడే యాతురబంధువుఁ -
డతఁడు దలఁపుల ముంగిట నబ్బుట యెన్నఁడొకో
(॥అతఁ॥)
సారేకు సంసారంబను జలనిధు లీఁదుచు నలసిన-
వారికి నొకదరిదాపగు వాఁ డిఁక నెవ్వఁడొకో
పేరిన యజ్ఞానంబను పెనుఁజీఁకటి తనుఁగప్పిన
చేరువవెలుఁగై తోఁపెడిచెలి యికఁ నెవ్వఁడొకో
(॥అతఁ॥)
దురితపుకాననములలో త్రోవటు దప్పినవారికి
తెరు విదె కొమ్మని చూపెడిదేవుఁడి దెవ్వఁడొకో
పెరిగిన యాశాపాశము పెడగేలుగఁ దనుఁగట్టిన
వెరవకుమని విడిపించేటి విభుఁడిఁక నెవ్వఁడొకో
(॥అతఁ॥)
తగిలిన యాపదలనియెడి దావానలముల చుట్టిన
బెగడకుమని వడినార్పెడి బిరుదిఁక నెవ్వఁడొకో
తెగువయుఁ దెంపును గలిగిన తిరువేంకట విభుఁడొక్కఁడే
సొగిసి తలంచినవారికి సురతరువగువాఁడు
(||pallavi||)
adam̐ḍe sagalavyābagum̐ ḍadam̐ḍe yādurabaṁdhuvum̐ -
ḍadam̐ḍu dalam̐pula muṁgiḍa nabbuḍa yĕnnam̐ḍŏgo
(||adam̐||)
sāregu saṁsāraṁbanu jalanidhu līm̐dusu nalasina-
vārigi nŏgadaridābagu vām̐ ḍim̐ka nĕvvam̐ḍŏgo
perina yajñānaṁbanu pĕnum̐jīm̐kaḍi tanum̐gappina
seruvavĕlum̐gai tom̐pĕḍisĕli yigam̐ nĕvvam̐ḍŏgo
(||adam̐||)
duridabugānanamulalo trovaḍu dappinavārigi
tĕru vidĕ kŏmmani sūbĕḍidevum̐ḍi dĕvvam̐ḍŏgo
pĕrigina yāśhābāśhamu pĕḍagelugam̐ danum̐gaṭṭina
vĕravagumani viḍibiṁcheḍi vibhum̐ḍim̐ka nĕvvam̐ḍŏgo
(||adam̐||)
tagilina yābadalaniyĕḍi dāvānalamula suṭṭina
bĕgaḍagumani vaḍinārbĕḍi birudim̐ka nĕvvam̐ḍŏgo
tĕguvayum̐ dĕṁpunu galigina tiruveṁkaḍa vibhum̐ḍŏkkam̐ḍe
sŏgisi talaṁchinavārigi suradaruvaguvām̐ḍu