(॥పల్లవి॥)
అతఁడే పరబ్రహ్మ మతఁడే లోకనాయకుఁ-
డతనికంటే మరి యధికులు వేరయ్యా
(॥అతఁ॥)
కమలవాసిని లక్ష్మి కలదా యెవ్వరి కైనాఁ
గమలనాభునికి నొక్కని కే కాక
కమలజుఁడైన బ్రహ్మ కలఁడా యెవ్వని నాభి-
నమరవంద్యుఁడు మా హరికే కాక
(॥అతఁ॥)
అందరు నుండెడి భూమి యన్యులకుఁ గలదా
అందపు గోవిందునికే ఆలాయఁగాక
చెందిన భాగీరథి శ్రీపాదాలఁ గలదా
మందరధరుఁడయిన మాధవునికిఁ గాక
(॥అతఁ॥)
నిచ్చలు నభయమిచ్చేనేరుపు యెందుఁ గలదా
అచ్చుగ నారాయణునియందే కాక
రచ్చల శరణాగత రక్షణ మెందుఁ గలదా
తచ్చిన శ్రీవేంకటాద్రిదైవానకే కాక
(||pallavi||)
adam̐ḍe parabrahma madam̐ḍe loganāyagum̐-
ḍadanigaṁṭe mari yadhigulu verayyā
(||adam̐||)
kamalavāsini lakṣhmi kaladā yĕvvari kainām̐
gamalanābhunigi nŏkkani ke kāga
kamalajum̐ḍaina brahma kalam̐ḍā yĕvvani nābhi-
namaravaṁdyum̐ḍu mā harige kāga
(||adam̐||)
aṁdaru nuṁḍĕḍi bhūmi yanyulagum̐ galadā
aṁdabu goviṁdunige ālāyam̐gāga
sĕṁdina bhāgīrathi śhrībādālam̐ galadā
maṁdaradharum̐ḍayina mādhavunigim̐ gāga
(||adam̐||)
nichchalu nabhayamichchenerubu yĕṁdum̐ galadā
achchuga nārāyaṇuniyaṁde kāga
rachchala śharaṇāgada rakṣhaṇa mĕṁdum̐ galadā
tachchina śhrīveṁkaḍādridaivānage kāga