(॥పల్లవి॥)
అతఁడే గతియని యంటే నన్నిటా మాన్యుఁడు
ఇతరాలు మానఁగానే యీతనికే శలవు
(॥అతఁ॥)
శ్రీరమణుని నిత్యసేవకులకుఁ దొల్లె
వేరులేని కర్మముల వెట్టి మాన్యము
ఆరీతి నితనిభక్తులైన చనవరులకు
ఆరితేరి పుణ్యపాపా లడ్డపాటు లేదు
(॥అతఁ॥)
తక్కక యితనిముద్ర ధరించిన దాసులకు
చొక్కుల భవబంధాల సుంక మాన్యము
లెక్కించ నితనికైన లెంకలకు బొడుకల-
కొక్కట విధినిషేధా లూహింపలేవు
(॥అతఁ॥)
సరుస శ్రీవేంకటేశు శరణాగతులకును
పరగ మాయల దొడ్డిబందె మాన్యము
పరమమైన యితని పళ్లెముకూటివారికి
ధరలో నేమిటివంకాఁ దప్పులే లేవు
(||pallavi||)
adam̐ḍe gadiyani yaṁṭe nanniḍā mānyum̐ḍu
idarālu mānam̐gāne yīdanige śhalavu
(||adam̐||)
śhrīramaṇuni nityasevagulagum̐ dŏllĕ
veruleni karmamula vĕṭṭi mānyamu
ārīdi nidanibhaktulaina sanavarulagu
ārideri puṇyabābā laḍḍabāḍu ledu
(||adam̐||)
takkaga yidanimudra dhariṁchina dāsulagu
sŏkkula bhavabaṁdhāla suṁka mānyamu
lĕkkiṁcha nidanigaina lĕṁkalagu bŏḍugala-
kŏkkaḍa vidhiniṣhedhā lūhiṁpalevu
(||adam̐||)
sarusa śhrīveṁkaḍeśhu śharaṇāgadulagunu
paraga māyala dŏḍḍibaṁdĕ mānyamu
paramamaina yidani paḽlĕmugūḍivārigi
dharalo nemiḍivaṁkām̐ dappule levu