అచ్చుతుఁడనియెడి నామముగలిగినయట్టి నీవె కాక
(॥పల్లవి॥)
అచ్చుతుఁడనియెడి నామముగలిగినయట్టి నీవె కాక
కుచ్చి నీకు నే శరణని కొలిచితి గురుతుగఁ గావఁగదే
(॥అచ్చుతు॥)
అణురూపగుమశకములోపల నణఁగిన నీకంటే
గుణించి యెంచి చూచినను కొంచె మింకనేది
ప్రణుతింపంగ బ్రహ్మండకోట్లు భరియించునీకంటే
గణనకు నెక్కుడు నీవేకాక ఘన మిఁకనేది
(॥అచ్చుతు॥)
దాకొని జగములు పుట్టించు బ్రహ్మకు తండ్రివి నీవే
కైకొని చదువులఁ దెలిసిచూడ రక్షకులిఁక మరి వేరి
యేకోదకముగ వటపత్రమున యీఁదేటినీకంటే
దీకొనిపలికిన కాలంబుల కొనదేవుఁడు మరివేఁడీ
(॥అచ్చుతు॥)
శ్రీవేంకటమున వరములొసఁగేటి శ్రీపతి నీకంటే
తావుఁన గన్నులఁజూడఁగ బ్రత్యక్షదైవము మరివేఁడి
వేవేలకు వైకుంఠవిభుఁడవై వెలిసిన నీకంటే
భావించి చూచిన నంతరంగమునఁ బరోక్షదైవముమరివేఁడీ
(||pallavi||)
achchudum̐ḍaniyĕḍi nāmamugaliginayaṭṭi nīvĕ kāga
kuchchi nīgu ne śharaṇani kŏlisidi gurudugam̐ gāvam̐gade
(||achchudu||)
aṇurūbagumaśhagamulobala naṇam̐gina nīgaṁṭe
guṇiṁchi yĕṁchi sūsinanu kŏṁchĕ miṁkanedi
praṇudiṁpaṁga brahmaṁḍagoṭlu bhariyiṁchunīgaṁṭe
gaṇanagu nĕkkuḍu nīvegāga ghana mim̐kanedi
(||achchudu||)
dāgŏni jagamulu puṭṭiṁchu brahmagu taṁḍrivi nīve
kaigŏni saduvulam̐ dĕlisisūḍa rakṣhagulim̐ka mari veri
yegodagamuga vaḍabatramuna yīm̐deḍinīgaṁṭe
dīgŏnibaligina kālaṁbula kŏnadevum̐ḍu marivem̐ḍī
(||achchudu||)
śhrīveṁkaḍamuna varamulŏsam̐geḍi śhrībadi nīgaṁṭe
tāvum̐na gannulam̐jūḍam̐ga bratyakṣhadaivamu marivem̐ḍi
vevelagu vaiguṁṭhavibhum̐ḍavai vĕlisina nīgaṁṭe
bhāviṁchi sūsina naṁtaraṁgamunam̐ barokṣhadaivamumarivem̐ḍī