(॥పల్లవి॥)
అపురూపమైన మోము దాఁచి యిటువంటి-
కపటపు నటనలు గడియించనేలే
(॥అపు॥)
కిన్నెరకాయలఁ బోలు కిక్కిరిసినట్టి గుబ్బ-
చన్నులపై ననుఁగొంగు జారఁగ
కిన్నెర మీఁటుచు మంచి సన్నపు నడపుతో
కన్నులు దేలఁగమేను కదలించేవేలే
(॥అపు॥)
వీడియు వీడనికొప్పు వేగన ముడుచుచు
ఆడెడి బిత్తరిమాటలమరఁగా
చూడనొప్పె నీ మంచి సుద్దులు చెప్పఁగనెంతే
వాడక వాడుదురే వైతాళమేలే
(॥అపు॥)
చెక్కుటద్దములమీఁది చెమట చిత్తడితోడ
సొక్కులు దేరఁగ మేను సుదతికి
చిక్కించి నిన్నుఁగూడె శేషగిరీంద్రుఁడు నీ పయి
మక్కువగలిగి కొంత మనసియ్యఁడేలే
(||pallavi||)
aburūbamaina momu dām̐si yiḍuvaṁṭi-
kabaḍabu naḍanalu gaḍiyiṁchanele
(||abu||)
kinnĕragāyalam̐ bolu kikkirisinaṭṭi gubba-
sannulabai nanum̐gŏṁgu jāram̐ga
kinnĕra mīm̐ṭusu maṁchi sannabu naḍabudo
kannulu delam̐gamenu kadaliṁchevele
(||abu||)
vīḍiyu vīḍanigŏppu vegana muḍusuchu
āḍĕḍi bittarimāḍalamaram̐gā
sūḍanŏppĕ nī maṁchi suddulu sĕppam̐ganĕṁte
vāḍaga vāḍudure vaidāḽamele
(||abu||)
sĕkkuḍaddamulamīm̐di sĕmaḍa sittaḍidoḍa
sŏkkulu deram̐ga menu sudadigi
sikkiṁchi ninnum̐gūḍĕ śheṣhagirīṁdrum̐ḍu nī payi
makkuvagaligi kŏṁta manasiyyam̐ḍele