(॥పల్లవి॥)
ఆర్పులు బొబ్బలు నవె వినుఁడు
యేర్పడ నసురల నిటువలె గెలిచే
(॥ఆర్పు॥)
కూలిన తలలును గుఱ్ఱపు డొక్కలు
నేలపైఁ బారిన నెత్తురులు
వోలిఁ జూడుఁ డిదె వుద్ధగళలీ రణ-
కేలిని విష్వక్సేనుఁడు గెలిచె
(॥ఆర్పు॥)
పడిన రథంబులు బాహుదండములు
కెడసిన గజములు గొడగులును
అడియాలము లివె అక్కడ విక్కడ
చిడుముడి విష్వక్సేనుఁడు గెలిచె
(॥ఆర్పు॥)
పగుల పగుల వృషభాసురునిఁ జంపె
పగ నీఁగె అతని బలములతో
అగపడి శ్రీవేంకటాధిపు పంపున
జిగిగల విష్వక్సేనుఁడు గెలిచె
(||pallavi||)
ārbulu bŏbbalu navĕ vinum̐ḍu
yerbaḍa nasurala niḍuvalĕ gĕlise
(||ārbu||)
kūlina talalunu guṭrabu ḍŏkkalu
nelabaim̐ bārina nĕtturulu
volim̐ jūḍum̐ ḍidĕ vuddhagaḽalī raṇa-
kelini viṣhvaksenum̐ḍu gĕlisĕ
(||ārbu||)
paḍina rathaṁbulu bāhudaṁḍamulu
kĕḍasina gajamulu gŏḍagulunu
aḍiyālamu livĕ akkaḍa vikkaḍa
siḍumuḍi viṣhvaksenum̐ḍu gĕlisĕ
(||ārbu||)
pagula pagula vṛṣhabhāsurunim̐ jaṁpĕ
paga nīm̐gĕ adani balamulado
agabaḍi śhrīveṁkaḍādhibu paṁpuna
jigigala viṣhvaksenum̐ḍu gĕlisĕ