(॥పల్లవి॥)
ఆరగింపవో మాయప్ప యివే
పేరిన నేతులు పెరుగులును
(॥ఆర॥)
తేనెలు జున్నులు తెంకాయ పాలును
ఆనవాలు వెన్నట్లును
నూనె బూరెలును నురుగులు వడలును
పానకములు బహు ఫలములును
(॥ఆర॥)
పరమాన్నంబులు పంచదారలును
అరిసెలు గారెలు నవుగులును
కరజికాయలును ఖండమండెఁగలు
పరి పరి విధముల భక్ష్యములు
(॥ఆర॥)
కడు మధురంబగు కమ్మఁబూరణపుఁ
గుడుములు నిడ్డెన కుడుములును
సుడిగొనునప్పాలు సుకినప్పాలును
పొడి బెల్లముతోఁ బొరఁటుచును
(॥ఆర॥)
కాయపు రుచులకు గనియగు మిరియపుఁ
గాయలు నేలకి కాయలును
పాయరానియంబాళపుఁగాయలు
నాయతమగు దధ్యన్నములు
(॥ఆర॥)
ఒడికపుఁ గూరలు నొలుపుఁబప్పులును
అడియాలపు రాజాన్నములు
బడిబడిఁ గనకపుఁ బళ్లెరములతోఁ
గడు వేడుక వేంకటరమణా
(||pallavi||)
āragiṁpavo māyappa yive
perina nedulu pĕrugulunu
(||āra||)
tenĕlu junnulu tĕṁkāya pālunu
ānavālu vĕnnaṭlunu
nūnĕ būrĕlunu nurugulu vaḍalunu
pānagamulu bahu phalamulunu
(||āra||)
paramānnaṁbulu paṁchadāralunu
arisĕlu gārĕlu navugulunu
karajigāyalunu khaṁḍamaṁḍĕm̐galu
pari pari vidhamula bhakṣhyamulu
(||āra||)
kaḍu madhuraṁbagu kammam̐būraṇabum̐
guḍumulu niḍḍĕna kuḍumulunu
suḍigŏnunappālu suginappālunu
pŏḍi bĕllamudom̐ bŏram̐ṭusunu
(||āra||)
kāyabu rusulagu ganiyagu miriyabum̐
gāyalu nelagi kāyalunu
pāyarāniyaṁbāḽabum̐gāyalu
nāyadamagu dadhyannamulu
(||āra||)
ŏḍigabum̐ gūralu nŏlubum̐bappulunu
aḍiyālabu rājānnamulu
baḍibaḍim̐ ganagabum̐ baḽlĕramuladom̐
gaḍu veḍuga veṁkaḍaramaṇā