താമരമലരിന് തങ്കദളത്തില്
തപസ്സിരിക്കും രാഗപരാഗം
ആത്മാവിലണിയാന് മടികാണിക്കും
അരുണോദയമുണ്ടോ?
വീണാതന്ത്രിയിലമരും മുന്പേ
വിരലില് രാഗമുറങ്ങും പോലെ
അധരപൂവില് പടരാനടിയാന്
അലിയുന്നൂ മനസ്സില് ഒരു മോഹം
ഉറങ്ങുന്നൂ മനസ്സില്
എന്നില് ഞാനറിയാതെ തുളുമ്പും
സുന്ദരസ്വപ്നതരംഗ സുഗന്ധം
അരികില് നിഴല് പോലണയുമ്പോഴും
അറിയുന്നില്ലെന്നോ എന് ദേവന്
നുകരുന്നില്ലെന്നോ?
