ziṅdgī ke safar meṅ guzar jāte haiṅ jo makām
vo phir nahīṅ āte, vo phir nahīṅ āte
phūl khilte haiṅ, log milte haiṅ
phūl khilte haiṅ, log milte haiṅ magar
patjhaṛ meṅ jo phūl murjhā jāte haiṅ
vo bahāroṅ ke āne se khilte nahīṅ
kuchh log jo safar meṅ bichhaṛ jāte haiṅ
vo hazāroṅ ke āne se milte nahīṅ
umr bhar chāhe koī pukārā kare unkā nām
vo phir nahīṅ āte, vo phir nahīṅ āte
zindgī ke safar meṅ …
āṇkh dhokhā hai, kyā bharosā hai
āṇkh dhokh hai, kyā bharosā hai suno
dostoṅ śhaq dostī kā duśhman hai
apne dil meṅ ise ghar banāne na do
kal taṛapnā paṛe yād meṅ jinkī
rok lo rūṭh kar unko jāne na do
bād meṅ pyār ke chāhe bhejo hazāroṅ salām
vo phir nahīṅ āte, vo phir nahīṅ āte
zindgī ke safar meṅ …
subah ātī hai, śhām jātī hai
subah ātī hai, śhām jātī hai yūṇhī
vaqt chaltā hī rahtā hai ruktā nahīṅ
ek pal meṅ ye āge nikal jātā hai
ādmī ṭhīk se dekh pātā nahīṅ
aur parde pe maṅzar badal jātā hai
ek bār chale jāte haiṅ jo din-rāt subah-o-śhām
vo phir nahīṅ āte, vo phir nahīṅ āte
zindgī ke safar meṅ …