ఆఁటదాని యాసోదాన కలవి లేదనియేటి
(॥పల్లవి॥)
ఆఁటదాని యాసోదాన కలవి లేదనియేటి
మాట నీవల్లఁ గంటిమి మతక మేమిటికి
(॥ఆఁట॥)
మోవిపండుతీపులతో ముంచి తేనెలు గారఁగా
రావిపండుచవు లౌనా రతివేళను
కైవమై నా కితఁడు కామించి తా నుండఁగాను
యీవల నీ వేల యెలయించఁగ వచ్చేవే
(॥ఆఁట॥)
తమ్మిపూవు తేఁటికి నితావులై తా నుండఁగాను
తుమ్మిపూవు చెప్పి దోసము గాదా
నమ్మించి యీ రమణుఁడు నావద్దనే వుండఁగాను
యిమ్ముల సన్న లితని కేల సేసేవే
(॥ఆఁట॥)
అంచకల్పకముపై నమరి క్రీడింపఁగాను
కొంచయేతెంచి తా నందఁ గూచుండినట్లు
యెంచఁగ శ్రీవేంకటేశుఁ డిట్టేఁ నన్నుఁ గూడఁగాను
పంచ నీవుఁ గూడి యెంత బాఁతిపడేవే
(||pallavi||)
ām̐ṭadāni yāsodāna kalavi ledaniyeḍi
māḍa nīvallam̐ gaṁṭimi madaga memiḍigi
(||ām̐ṭa||)
movibaṁḍudībulado muṁchi tenĕlu gāram̐gā
rāvibaṁḍusavu launā radiveḽanu
kaivamai nā kidam̐ḍu kāmiṁchi tā nuṁḍam̐gānu
yīvala nī vela yĕlayiṁcham̐ga vachcheve
(||ām̐ṭa||)
tammibūvu tem̐ṭigi nidāvulai tā nuṁḍam̐gānu
tummibūvu sĕppi dosamu gādā
nammiṁchi yī ramaṇum̐ḍu nāvaddane vuṁḍam̐gānu
yimmula sanna lidani kela seseve
(||ām̐ṭa||)
aṁchagalbagamubai namari krīḍiṁpam̐gānu
kŏṁchayedĕṁchi tā naṁdam̐ gūsuṁḍinaṭlu
yĕṁcham̐ga śhrīveṁkaḍeśhum̐ ḍiṭṭem̐ nannum̐ gūḍam̐gānu
paṁcha nīvum̐ gūḍi yĕṁta bām̐tibaḍeve