(॥పల్లవి॥)
ఆఁపరాని వలపాయ నమ్మలాలా - యింతి
యేఁపులకు లోనైతిమిఁక నేమిసేతమే
(॥ఆప॥)
ఆరగించుమనఁ గదరమ్మలాలా -అయ్యో
నీరు వుక్కలించదిదె నిన్నటనుండి
ఆరినది బోనమెలా నమ్మలాలా-అయ్యో
శ్రీరమణుఁడింతట విచ్చేయఁడేమిసేతమే
(॥ఆప॥)
అద్దమరాతీరి వోమ నమ్మలాలా -అయ్యో
నిద్దుర గంటఁబెట్టదు నిన్నటనుండి
అద్దపుఁ జెక్కులు వాడె నమ్మలాలా -అయ్యో
యిద్దరికోపము దీరదిఁక నేమిసేతమే
(॥ఆప॥)
అలయికే ఘనమాయనమ్మ లాలా -దీని
నిలుప వశముగాదు నిన్నటనుండి
అలమివేంకటవిభుఁడమ్మలాలా - దీని-
నెలయించి కూడకున్న నిఁకనేమి సేతమే
(||pallavi||)
ām̐parāni valabāya nammalālā - yiṁti
yem̐pulagu lonaidimim̐ka nemisedame
(||āba||)
āragiṁchumanam̐ gadarammalālā -ayyo
nīru vukkaliṁchadidĕ ninnaḍanuṁḍi
ārinadi bonamĕlā nammalālā-ayyo
śhrīramaṇum̐ḍiṁtaḍa vichcheyam̐ḍemisedame
(||āba||)
addamarādīri voma nammalālā -ayyo
niddura gaṁṭam̐bĕṭṭadu ninnaḍanuṁḍi
addabum̐ jĕkkulu vāḍĕ nammalālā -ayyo
yiddarigobamu dīradim̐ka nemisedame
(||āba||)
alayige ghanamāyanamma lālā -dīni
niluba vaśhamugādu ninnaḍanuṁḍi
alamiveṁkaḍavibhum̐ḍammalālā - dīni-
nĕlayiṁchi kūḍagunna nim̐kanemi sedame