(॥పల్లవి॥)
ఆఁకటివేళల నలపైన వేళలను
తేఁకువ హరినామమే దిక్కు మఱి లేదు
(॥ఆఁకటి॥)
కొఱమాలి వున్నవేళ కులము చెడినవేళ
చెఱఁవొడి వొరులచేఁ జిక్కినవేళ
వొఱపైన హరినామ మొక్కటే గతిగాక
మఱచి తప్పిననైన మఱిలేదు తెరఁగు
(॥ఆఁకటి॥)
ఆపద వచ్చినవేళ యారడిఁబడినవేళ
పాపపు వేళల భయపడినవేళ
వోపినంత హరినామ మొక్కటే గతిగాక
మాపుదాఁకాఁ బొరలిన మరిలేదు తెఱఁగు
(॥ఆఁకటి॥)
సంకెళఁ బెట్టినవేళ చంపఁ బిలిచిన వేళ
అంకిలిగా నప్పులవారాఁగిన వేళ
వేంకటేశునామమే విడిపించ గతిగాక
మంకుబుద్ధిఁ బొరలిన మరిలేదు తెఱఁగు
(||pallavi||)
ām̐kaḍiveḽala nalabaina veḽalanu
tem̐kuva harināmame dikku maṟi ledu
(||ām̐kaḍi||)
kŏṟamāli vunnaveḽa kulamu sĕḍinaveḽa
sĕṟam̐vŏḍi vŏrulasem̐ jikkinaveḽa
vŏṟabaina harināma mŏkkaḍe gadigāga
maṟasi tappinanaina maṟiledu tĕram̐gu
(||ām̐kaḍi||)
ābada vachchinaveḽa yāraḍim̐baḍinaveḽa
pābabu veḽala bhayabaḍinaveḽa
vobinaṁta harināma mŏkkaḍe gadigāga
mābudām̐kām̐ bŏralina mariledu tĕṟam̐gu
(||ām̐kaḍi||)
saṁkĕḽam̐ bĕṭṭinaveḽa saṁpam̐ bilisina veḽa
aṁkiligā nappulavārām̐gina veḽa
veṁkaḍeśhunāmame viḍibiṁcha gadigāga
maṁkubuddhim̐ bŏralina mariledu tĕṟam̐gu