(॥పల్లవి॥)
ఆకాశమడ్డమా అవ్వలయు నడ్డమా
శ్రీకాంతు భజియించు సేవకులకు
(॥ఆకాశ॥)
పాతాళమడ్డమా బలిమథను దాసులకు
భూతలం బడ్డమా పుణ్యులకును
సేతు కైలాసములు చిరభూములిన్నియును
పై త్రోవలట పరమ భాగవతులకును
(॥ఆకాశ॥)
అమరావతమడ్డమా హరి దాసులకు మహా
తిమిరంబులడ్డమా దివ్యులకును
కమలాసనుని లోకంబదియు నడ్డమా
విమలాత్ములై వెలుఁగు విష్ణు దాసులకు
(॥ఆకాశ॥)
పరమపద మడ్డమా బ్రహ్మాండధరుఁడైన
ధర వేంకటేశ్వరుని దాసులకును
యిరవైన లోకముల నిన్నిటా భోగించి
వరుసలను విహరించు వరవైష్ణవులకు
(||pallavi||)
āgāśhamaḍḍamā avvalayu naḍḍamā
śhrīgāṁtu bhajiyiṁchu sevagulagu
(||āgāśha||)
pādāḽamaḍḍamā balimathanu dāsulagu
bhūdalaṁ baḍḍamā puṇyulagunu
sedu kailāsamulu sirabhūmulinniyunu
pai trovalaḍa parama bhāgavadulagunu
(||āgāśha||)
amarāvadamaḍḍamā hari dāsulagu mahā
timiraṁbulaḍḍamā divyulagunu
kamalāsanuni logaṁbadiyu naḍḍamā
vimalātmulai vĕlum̐gu viṣhṇu dāsulagu
(||āgāśha||)
paramabada maḍḍamā brahmāṁḍadharum̐ḍaina
dhara veṁkaḍeśhvaruni dāsulagunu
yiravaina logamula ninniḍā bhogiṁchi
varusalanu vihariṁchu varavaiṣhṇavulagu