ఆతురబందుగుఁడవు హరినారాయణ కృష్ణ
(॥పల్లవి॥)
ఆతురబందుగుఁడవు హరినారాయణ కృష్ణ
మా తలఁపెఱిఁగి నీవే మన్నించితి విపుడు
(॥ఆతు॥)
గురుకుమారులఁ దెచ్చుకొని రక్షించినయట్లు
ధరలో గజరాజు నుద్ధరించినట్లు
గరిమఁ జెరలుమాన్పి కాంతలఁ బెండ్లాడినట్లు
సిరులతో మముఁ దెచ్చి సేవలు గైకొంటివి
(॥ఆతు॥)
నేరుపుననే రుకుమిణిదేవిఁ దెచ్చినయట్లు
ధీరత మునిపుత్రులఁ దెచ్చినయట్లు
భారమైన యహల్యశాపము మానిపినయట్లు
గారవించి మము నేఁడు కరుణఁ జూచితివి
(॥ఆతు॥)
లంక సాధించి సీతను లలిఁ జేకొనినయట్లు
తెంకికి ననిరుద్ధునిఁ దెచ్చినయట్లు
అంకెల శ్రీవేంకటేశ అట్టె నీదాసులమని
పొంకముగ మాపాలిటఁ బొసఁగి యేలితివి
(||pallavi||)
ādurabaṁdugum̐ḍavu harinārāyaṇa kṛṣhṇa
mā talam̐pĕṟim̐gi nīve manniṁchidi vibuḍu
(||ādu||)
gurugumārulam̐ dĕchchugŏni rakṣhiṁchinayaṭlu
dharalo gajarāju nuddhariṁchinaṭlu
garimam̐ jĕralumānpi kāṁtalam̐ bĕṁḍlāḍinaṭlu
sirulado mamum̐ dĕchchi sevalu gaigŏṁṭivi
(||ādu||)
nerubunane rugumiṇidevim̐ dĕchchinayaṭlu
dhīrada munibutrulam̐ dĕchchinayaṭlu
bhāramaina yahalyaśhābamu mānibinayaṭlu
gāraviṁchi mamu nem̐ḍu karuṇam̐ jūsidivi
(||ādu||)
laṁka sādhiṁchi sīdanu lalim̐ jegŏninayaṭlu
tĕṁkigi naniruddhunim̐ dĕchchinayaṭlu
aṁkĕla śhrīveṁkaḍeśha aṭṭĕ nīdāsulamani
pŏṁkamuga mābāliḍam̐ bŏsam̐gi yelidivi