(॥పల్లవి॥)
ఆదివిష్ణు వీతఁడే యటరమ్మా
ఆదిగొని భూభార మణఁచీనోయమ్మా
(॥ఆది॥)
చందురునుదయవేళ సవరేతిరికాడ
కందువ దేవకి బిడ్డఁ గనెనమ్మా
పొందుగ బ్రహ్మాదులు పురుఁటింటి వాకిటను
చెంది బాలుని నుతులు సేసేరోయమ్మా
(॥ఆది॥)
వసుదేవుని యెదుట వైకుంఠనాథుఁడు
సిసువై యవతరించి చెలఁగీనమ్మా
ముసిముసి నవ్వులతో మునులకు ఋషులకు
యిసుమంత వాఁడభయమిచ్చీనమ్మా
(॥ఆది॥)
కన్న తల్లిదండ్రులకు కర్మపాశము లూడిచి
అన్నిటా రాకాసిమూఁక లణఁచీనమ్మా
వున్నతి శ్రీవేంకటాద్రినుండి లక్ష్మీదేవితోడ
పన్ని నిచ్చకల్యాణాలఁ బరగీనమ్మా
(||pallavi||)
ādiviṣhṇu vīdam̐ḍe yaḍarammā
ādigŏni bhūbhāra maṇam̐sīnoyammā
(||ādi||)
saṁdurunudayaveḽa savaredirigāḍa
kaṁduva devagi biḍḍam̐ ganĕnammā
pŏṁduga brahmādulu purum̐ṭiṁṭi vāgiḍanu
sĕṁdi bāluni nudulu seseroyammā
(||ādi||)
vasudevuni yĕduḍa vaiguṁṭhanāthum̐ḍu
sisuvai yavadariṁchi sĕlam̐gīnammā
musimusi navvulado munulagu ṛṣhulagu
yisumaṁta vām̐ḍabhayamichchīnammā
(||ādi||)
kanna tallidaṁḍrulagu karmabāśhamu lūḍisi
anniḍā rāgāsimūm̐ka laṇam̐sīnammā
vunnadi śhrīveṁkaḍādrinuṁḍi lakṣhmīdevidoḍa
panni nichchagalyāṇālam̐ baragīnammā