ആതിരക്കുളിരുള്ള രാവിലിന്നൊരു
പാതിരാമലര്ക്കിളി പറന്നുവരും
താമരക്കുമ്പിളിലെ തേന് നുകരും എന്റെ
താമരക്കുമ്പിളിലെ തേന് നുകരും
അക്കരെ അക്കരെ പാലരുവിക്കരേ
ചക്രവാകങ്ങൾ ഉണര്ന്നിടുമ്പോള്
നീ വരുമീവഴി ഈറന്മിഴികളാല്
പൂവിട്ടു പൂവിട്ടു നിന്നവള് ഞാന്
നിന്നെ പൂവിട്ടെതിരേല്ക്കാന് നിന്നവള് ഞാന്
ആതിരക്കുളിരുള്ള രാവിലിന്നൊരു
പാതിരാമലര്ക്കിളി പറന്നുവരും..
പറന്നുവരും.. തേന് നുകരും...
പൊല്ത്തിരുവാതിര താരം കിഴക്കൊരു
പൂത്താലി പോലെ ഉദിച്ചുവല്ലോ (പൊല്ത്തിരുവാതിര..)
പൂമുഖവാതില്ക്കലെന് കളിത്തത്ത പോലെ
ഓമനപ്പേരു വിളിച്ചതാരോ എന്റെ
ഓമനപ്പേരു വിളിച്ചതാരോ?
ആതിരക്കുളിരുള്ള രാവിലിന്നൊരു
പാതിരാമലര്ക്കിളി പറന്നുവരും..
പറന്നുവരും.. തേന് നുകരും....