(॥పల్లవి॥)
ఆటవారిఁ గూడి తౌరా
ఆటవారిఁ గూడి అన్నిచోట్ల బొమ్మ-
లాట లాడించ నధికుండవైతివి*
(॥ఆట॥)
గురుతరమగు పెద్దకొట్టాములోపల
తిరుమైన పెనుమాయఁ దెరగట్టి
అరయ నజ్ఞానము లవి యడ్డముగఁ జేసి
పరగ సుజ్ఞానదీపములు ముట్టించి
(॥ఆట॥)
తోలుబొమ్మల దొరకొని గడియించి
గాలిచేత వానిఁ గదలించి
తూలేటి రసములు తొమ్మిది గడియించి
నాలుగు ముఖముల నలువున నాడించ
(॥ఆట॥)
నిన్నేమెత్తురుగాని నీకేమి నీలేరు
మన్నించుదాతలు మరిలేరు
యెన్నఁగఁ దిరువేంకటేశ్వర నీదాసు -
లున్నతులై నిన్ను నుబ్బించి పొగడఁగ
(||pallavi||)
āḍavārim̐ gūḍi taurā
āḍavārim̐ gūḍi annisoṭla bŏmma-
lāḍa lāḍiṁcha nadhiguṁḍavaidivi*
(||āḍa||)
gurudaramagu pĕddagŏṭṭāmulobala
tirumaina pĕnumāyam̐ dĕragaṭṭi
araya najñānamu lavi yaḍḍamugam̐ jesi
paraga sujñānadībamulu muṭṭiṁchi
(||āḍa||)
tolubŏmmala dŏragŏni gaḍiyiṁchi
gāliseda vānim̐ gadaliṁchi
tūleḍi rasamulu tŏmmidi gaḍiyiṁchi
nālugu mukhamula naluvuna nāḍiṁcha
(||āḍa||)
ninnemĕtturugāni nīgemi nīleru
manniṁchudādalu marileru
yĕnnam̐gam̐ diruveṁkaḍeśhvara nīdāsu -
lunnadulai ninnu nubbiṁchi pŏgaḍam̐ga