(॥పల్లవి॥)
ఆడరమ్మ పాడరమ్మ అంగనలు చూడరమ్మ
వేడుకఁ బరుషలెల్ల వీధినుండరమ్మా
(॥ఆడ॥)
అల్లదివో వోఁగునూఁతులౌభళేశుపెద్దకోవ
వెల్లి పలనీటిజాలు వెడలేసోన
చల్లనిమాఁకులనీడ సంగడిమేడలవాడ
యెల్లగాఁగ నరసింహుఁడేగీ నింతితోడను
(॥ఆడ॥)
సింగారపుమండపాల సింహాలమునిమంద-
లంగపు తెల్ల గోపుర మదె మిన్నంద
చెంగట నాడు వార్లు చేరి పన్నిద్దరుఁగొల్వ
సంగతిఁ దాఁగొలువిచ్చీ జయనరసింహము
(॥ఆడ॥)
కందువ శ్రీ వేంకటేశు కల్యాణములవేది
అందమై భూములకెల్లా నాదికి నాది
మందల పాలకొండమలకు నట్టనడుమ
విందగు దాసులతోడ విహరించీ దేవుఁడు
(||pallavi||)
āḍaramma pāḍaramma aṁganalu sūḍaramma
veḍugam̐ baruṣhalĕlla vīdhinuṁḍarammā
(||āḍa||)
alladivo vom̐gunūm̐tulaubhaḽeśhubĕddagova
vĕlli palanīḍijālu vĕḍalesona
sallanimām̐kulanīḍa saṁgaḍimeḍalavāḍa
yĕllagām̐ga narasiṁhum̐ḍegī niṁtidoḍanu
(||āḍa||)
siṁgārabumaṁḍabāla siṁhālamunimaṁda-
laṁgabu tĕlla gobura madĕ minnaṁda
sĕṁgaḍa nāḍu vārlu seri panniddarum̐gŏlva
saṁgadim̐ dām̐gŏluvichchī jayanarasiṁhamu
(||āḍa||)
kaṁduva śhrī veṁkaḍeśhu kalyāṇamulavedi
aṁdamai bhūmulagĕllā nādigi nādi
maṁdala pālagŏṁḍamalagu naṭṭanaḍuma
viṁdagu dāsuladoḍa vihariṁchī devum̐ḍu