(॥పల్లవి॥)
ఆడనుండె యేమి గల్లా నానతియ్యరా
జాడతో నలుక గాదు చాలించరా
(॥ఆడ॥)
చిగురాకు నామోవి చిత్తజు నడిద మట
తెగుఁజేసు నీ వంత దిష్టించకురా
పగటు నాకుచములు పాయని జక్కవ లట
యెగరుఁజేసు నీ వింత దగ్గరకురా
(॥ఆడ॥)
నల్లని నాయారు యిది నంజువంటి పామట
చెల్లఁబో యేమౌనో మమ్ముఁ జేరకురా
వెల్లవిరి నా నడుము వింత మేఁటి సింహ మట
కల్లరి యేమి సేసునో కాఁగిలించకురా
(॥ఆడ॥)
గరిమల నామేను కనకమువంటి దింతే
కరఁగజేసు నిట్టూర్పు గమ్మనీకురా
సిరుల శ్రీ వెంకటేశ చేరి కూడితి వింక
తరగు మొరఁగు దీరె దవ్వె చేరువరా
(||pallavi||)
āḍanuṁḍĕ yemi gallā nānadiyyarā
jāḍado naluga gādu sāliṁcharā
(||āḍa||)
sigurāgu nāmovi sittaju naḍida maḍa
tĕgum̐jesu nī vaṁta diṣhṭiṁchagurā
pagaḍu nāgusamulu pāyani jakkava laḍa
yĕgarum̐jesu nī viṁta daggaragurā
(||āḍa||)
nallani nāyāru yidi naṁjuvaṁṭi pāmaḍa
sĕllam̐bo yemauno mammum̐ jeragurā
vĕllaviri nā naḍumu viṁta mem̐ṭi siṁha maḍa
kallari yemi sesuno kām̐giliṁchagurā
(||āḍa||)
garimala nāmenu kanagamuvaṁṭi diṁte
karam̐gajesu niṭṭūrbu gammanīgurā
sirula śhrī vĕṁkaḍeśha seri kūḍidi viṁka
taragu mŏram̐gu dīrĕ davvĕ seruvarā