ఆతనిఁ బో పొగడేము ఆతని శరణంటిమి
(॥పల్లవి॥)
ఆతనిఁ బో పొగడేము ఆతని శరణంటిమి
ఆతఁడే సర్వజీవుల అంతర్యామి
(॥ఆత॥)
పెక్కు బ్రహ్మాండకోట్లు పెక్కు బ్రహ్మకోట్లు
పెక్కు రుద్రకోట్లును పెక్కు యింద్రులు
వొక్కొక్క రోమకూపాల నొగి నించుకుండునట్టి
వొక్కఁడే విష్ణుఁడు వీఁడే వున్నతోన్నతుఁడు
(॥ఆత॥)
అనంత సూర్యచంద్రులు అనంత వాయువులును
అనంత నక్షత్రము లనంత మేరువులు
కొనలు సాగీ నన్నిటి కూటువఁ గూడుకొన్నట్టి
అనంతుఁడొక్కఁడే మించీ నాదిమూరితి
(॥ఆత॥)
అసంఖ్యమహిమలను అసంఖ్యమాయలు
అసంఖ్యశక్తులు వరాలసంఖ్యములు
పొసఁగ నిన్నిటిఁ దానే పుట్టించి రక్షించినట్టి
అసంఖ్యాతుఁడు శ్రీవేంకటాద్రీశుఁడు
(||pallavi||)
ādanim̐ bo pŏgaḍemu ādani śharaṇaṁṭimi
ādam̐ḍe sarvajīvula aṁtaryāmi
(||āda||)
pĕkku brahmāṁḍagoṭlu pĕkku brahmagoṭlu
pĕkku rudragoṭlunu pĕkku yiṁdrulu
vŏkkŏkka romagūbāla nŏgi niṁchuguṁḍunaṭṭi
vŏkkam̐ḍe viṣhṇum̐ḍu vīm̐ḍe vunnadonnadum̐ḍu
(||āda||)
anaṁta sūryasaṁdrulu anaṁta vāyuvulunu
anaṁta nakṣhatramu lanaṁta meruvulu
kŏnalu sāgī nanniḍi kūḍuvam̐ gūḍugŏnnaṭṭi
anaṁtum̐ḍŏkkam̐ḍe miṁchī nādimūridi
(||āda||)
asaṁkhyamahimalanu asaṁkhyamāyalu
asaṁkhyaśhaktulu varālasaṁkhyamulu
pŏsam̐ga ninniḍim̐ dāne puṭṭiṁchi rakṣhiṁchinaṭṭi
asaṁkhyādum̐ḍu śhrīveṁkaḍādrīśhum̐ḍu