(॥పల్లవి॥)
ఆతని తలఁపు మీరే అడుగరే చెలులాల
కాతరములేని సిగ్గరిదాన నేను
(॥ఆత॥)
మలసి యాతనితోను మారుమాటాడేనటవే
తలకొన్న మొగమోటదానను నేను
కలువలఁ దాఁకవేసి గద్దించేనటవే
నలువంక మెత్తని మనసుదానను నేను
(॥ఆత॥)
జఱసి యతని జంకించఁగఁ గలనటవే
తఱితోడ వలచినదానను నేను
వెఱవక చెయివట్టి వెసఁ దియ్యగలనటే
కఱకరిలేని యిచ్చకపుదాన నేను
(॥ఆత॥)
అంచల నాసలు చూపి యలయించేనటవే
మంచితలఁపలమేలుమంగను నేను
ఇంచుకంతా శ్రీ వెంకటేశు మీరేనటవే
వంచనసేయని చనవరిదాన నేను
(||pallavi||)
ādani talam̐pu mīre aḍugare sĕlulāla
kādaramuleni siggaridāna nenu
(||āda||)
malasi yādanidonu mārumāḍāḍenaḍave
talagŏnna mŏgamoḍadānanu nenu
kaluvalam̐ dām̐kavesi gaddiṁchenaḍave
naluvaṁka mĕttani manasudānanu nenu
(||āda||)
jaṟasi yadani jaṁkiṁcham̐gam̐ galanaḍave
taṟidoḍa valasinadānanu nenu
vĕṟavaga sĕyivaṭṭi vĕsam̐ diyyagalanaḍe
kaṟagarileni yichchagabudāna nenu
(||āda||)
aṁchala nāsalu sūbi yalayiṁchenaḍave
maṁchidalam̐palamelumaṁganu nenu
iṁchugaṁtā śhrī vĕṁkaḍeśhu mīrenaḍave
vaṁchanaseyani sanavaridāna nenu