ఆతని భ్రమయించే(చవే?) వే అండనున్నాఁడు
(॥పల్లవి॥)
ఆతని భ్రమయించే(చవే?) వే అండనున్నాఁడు
యేతులు నెమ్మెలుఁ జూపేవిప్పుడే మాతోనా
(॥ఆతని॥)
చన్నులు ఘనములైతే సాధించవే రమణుని
కన్నులు ఘనములైతే కాఁడి పారఁ జూడవే
యెన్న నీసింగారాలు యెవ్వరికిఁ జూపేవు
పన్నిన సవతినింతే పగటు మాతోనా
(॥ఆతని॥)
వలపు చిత్తాననుంటే వంచుకోవే నీవిభుఁని
పలుకుల నేర్పులుంటేఁ బచరించవే
సొలపుల నీనటన చూచేవారిందెవ్వరే
చెలిమికత్తెలమింతే చేఁతలు మాతోనా
(॥ఆతని॥)
సిగ్గులు సెలవినుంటే శ్రీవేంకటేశు ముంచవే
నిగ్గులు చెక్కులనుంటే నీటు చూపవే
యెగ్గులేక ఆతఁడే యిద్దరినేలెను నేఁడు
వెగ్గళించి మురిసేటి వింతలు మాతోనా
(||pallavi||)
ādani bhramayiṁche(save?) ve aṁḍanunnām̐ḍu
yedulu nĕmmĕlum̐ jūbevippuḍe mādonā
(||ādani||)
sannulu ghanamulaide sādhiṁchave ramaṇuni
kannulu ghanamulaide kām̐ḍi pāram̐ jūḍave
yĕnna nīsiṁgārālu yĕvvarigim̐ jūbevu
pannina savadiniṁte pagaḍu mādonā
(||ādani||)
valabu sittānanuṁṭe vaṁchugove nīvibhum̐ni
palugula nerbuluṁṭem̐ basariṁchave
sŏlabula nīnaḍana sūsevāriṁdĕvvare
sĕlimigattĕlamiṁte sem̐talu mādonā
(||ādani||)
siggulu sĕlavinuṁṭe śhrīveṁkaḍeśhu muṁchave
niggulu sĕkkulanuṁṭe nīḍu sūbave
yĕggulega ādam̐ḍe yiddarinelĕnu nem̐ḍu
vĕggaḽiṁchi muriseḍi viṁtalu mādonā