(॥పల్లవి॥)
ఆతఁడే పో చెలియా మా యాతఁడు
చేతనే పరము చూపి(పీ) చెలువైన యాతఁడు
(॥ఆత॥)
కుప్పలుగాఁ గస్తూరియు కుంకుమయు మయినిండ -
నప్పళించుకొని యున్న యాతఁడు
గొప్పగొప్ప ముత్తేల కుప్పె సవరము పెద్ద -
కొప్పుతోఁ జెలఁగీనదె కో మా యాతఁడు
(॥ఆత॥)
మలయుఁ జెక్కుల నవ్వు మకర కుండలముల
అలర నిగ్గులె చల్లే యాతఁడు
బలువైన ముత్యాల పదకాల హరాల
వెలుఁగొందీ నదె చూడవే మా యాతఁడు
(॥ఆత॥)
సంకుఁ జక్రపుఁ జేతుల సందుల బాహుపురుల
అంకెలఁబ్రభల మించే యాతఁడు
వేంకట నగము మీఁద విభవంపుఁ గౌఁగిలి నా -
కుంకువగా నిచ్చె నదెకో మా యాతఁడు
(||pallavi||)
ādam̐ḍe po sĕliyā mā yādam̐ḍu
sedane paramu sūbi(pī) sĕluvaina yādam̐ḍu
(||āda||)
kuppalugām̐ gastūriyu kuṁkumayu mayiniṁḍa -
nappaḽiṁchugŏni yunna yādam̐ḍu
gŏppagŏppa muttela kuppĕ savaramu pĕdda -
kŏppudom̐ jĕlam̐gīnadĕ ko mā yādam̐ḍu
(||āda||)
malayum̐ jĕkkula navvu magara kuṁḍalamula
alara niggulĕ salle yādam̐ḍu
baluvaina mutyāla padagāla harāla
vĕlum̐gŏṁdī nadĕ sūḍave mā yādam̐ḍu
(||āda||)
saṁkum̐ jakrabum̐ jedula saṁdula bāhuburula
aṁkĕlam̐brabhala miṁche yādam̐ḍu
veṁkaḍa nagamu mīm̐da vibhavaṁpum̐ gaum̐gili nā -
kuṁkuvagā nichchĕ nadĕgo mā yādam̐ḍu