Kashi Jhokat Chalali

कशी झोकात चालली कोळ्याची पोर
जशी चवथीच्या चंद्राची कोर

फेसाळ दर्याचं पाणी खारं
पिसाट पिऊनी तुफान वारं
उरात हिरव्या भरलं हो सारं
भरतीच्या ज्वानीला त्याहून जोर

टाकून टाकशील किती रं जाळी
मेघाची सावली कुणाला भावली
वाऱ्यानं अजुनी पाठ नाही शिवली
वाटेला बांग दिली तिच्या समोर

केसांची खुणगाठ चाचपून पाहिली
फुलांची वेणी नखऱ्यानं माळली
कुणाला ठावं कुणावर भाळली
प्रीतीचा चोर तिचा राजाहून थोर