ho o … ek laṛkī ko dekhā to aisā lagā
ek laṛkī ko dekhā to aisā lagā, jaise
khiltā gulāb, jaise
śhāyar kā khvāb, jaise
ujlī kiran, jaise
ban meṅ hiran, jaise
chāṇdnī rāt, jaise
narmī bāt, jaise
mandir meṅ ho ek jaltā diyā, ho!
o… ek laṛkī ko dekhā to aisā lagā!
ho, ek laṛkī ko dekhā to aisā lagā
ek laṛkī ko dekhā to aisā lagā, jaise
subah kā rūp, jaise
sardī kī dhūp, jaise
vīṇā kī tān, jaise
raṅgoṅ kī jān, jaise
balkhāyeṅ bel, jaise
lahroṅ kā khel, jaise
khuśhbū liye āye ṭhaṅḍī havā, ho!
o… ek laṛkī ko dekhā to aisā lagā!
ho, ek laṛkī ko dekhā to aisā lagā
ek laṛkī ko dekhā to aisā lagā, jaise
nāchtā mor, jaise
reśham kī ḍor, jaise
pariyoṅ kā rāg, jaise
sandal kī āg, jaise
solah śhrṝṅgār, jaise
ras kī phuhār, jaise
āhistā āhistā baṛhtā naśhā, ho!
o… ek laṛkī ko dekhā to aisā lagā!
ek laṛkī ko dekhā to aisā lagā!