Saarige ennomal paingili

ശാരികേ എന്നോമല്‍പ്പൈങ്കിളീ
ഏകനായ് കാത്തിരിപ്പൂ നിന്നെഞാന്‍
മാനത്തെ തൂമുല്ല മൊട്ടിട്ടു പൂവിട്ടു
മേഘത്തിന്‍ തേരില്‍ മാലാഖവന്നു
ഇരുളിന്നിഴയില്‍ കനകമുതിരും നിമിഷം

നീയെന്‍ ഗാനം പെയ്യും തീരത്തിന്നു
രാഗമല്ലിപ്പൂക്കള്‍ ചൂടാന്‍ വാ
ചാമരം വീശുവാന്‍ തെന്നലെത്തി സഖി
നേരമായെന്‍ അരികിലണയുവാന്‍ അമൃതുപകരുവാന്‍
നേരമായീ ചിറകിനടിയിലെ ചൂടിലലിയുവാന്‍
കണ്ണടച്ചാല്‍ കാണാം നിന്‍ കണ്ണിലിത്തിരിനാണം
കൂട്ടിരുന്നാല്‍ കാണാം എന്‍ പ്രണയമധുരദാഹം

നീയെന്‍ വാസന്തത്തിന്‍ സ്വപ്നം കൊണ്ടീ
മണ്ണില്‍ സ്വര്‍ഗ്ഗം തീര്‍ക്കാന്‍ കൂടെവാ... വാ
നിന്റെ കാലൊച്ചകള്‍ കാതോര്‍ത്തുനില്‍ക്കുന്നു ഞാന്‍
നേരമായെന്‍ ഹൃദയവനിയിലെ മലരായ് വിരിയുവാന്‍
നേരമായെന്‍ വിരഹകഥയിലെ കദനമകലുവാന്‍
ലല്ലലലം പാട്ടിന്നൊരു താളമേളം തന്നാല്‍
കണ്മണിഞാന്‍ നല്‍കാം തിരുനെറ്റിയില്‍ സിന്ദൂരക്കൂട്ട്